विदेश अध्ययनका लागि ५ प्रतिशतभन्दा बढी विदेशी मुद्रा पठाउन पाइने

बैंकिङ

गृहपृष्ठ
बैंकिङ

विदेश अध्ययनका लागि ५ प्रतिशतभन्दा बढी विदेशी मुद्रा पठाउन पाइने

क्यापिटल नेपाल मंगलबार, जेठ २६, २०८३

काठमाडौं। नेपाल राष्ट्र बैंकले वैदेशिक अध्ययनका लागि आवश्यक विदेशी मुद्रा सटही सुविधामा थप सहजीकरण गरेको छ।

नयाँ व्यवस्थाअनुसार विदेशमा अध्ययन गर्न जाने वा अध्ययनरत विद्यार्थीको भिसा, नवीकरण तथा निर्वाह खर्चका लागि सम्बन्धित देशको दूतावास वा सरकारी निकायले बैंक ब्यालेन्स देखाउन भनेमा आवश्यक रकमभन्दा बढीमा ५ प्रतिशतसम्म थप विदेशी मुद्रा पठाउन सकिनेछ।

राष्ट्र बैंकले विदेशी विनिमय सम्बन्धी एकीकृत निर्देशन संशोधन गर्दै विनिमय दरको उतारचढावका कारण थप खर्च हुन सक्ने अवस्थालाई ध्यानमा राखी यस्तो व्यवस्था गरेको जनाएको छ।

यस्तै, परिवर्त्य विदेशी मुद्राको सूचीमा नपर्ने स्थानीय मुद्रामा रकम देखाउनुपर्ने भए आवश्यक कागजातका आधारमा सो बराबरको सटही सुविधा उपलब्ध गराइनेछ। साथै, डिजिटल हस्ताक्षरबाट प्रमाणित कागजातलाई पनि मान्यता दिने व्यवस्था गरिएको राष्ट्र बैंकले जनाएको छ।

प्रकाशित मिति: मंगलबार, जेठ २६, २०८३ १५:५०

प्रतिक्रिया दिनुहोस्