नेप्सेमा सामान्य गिरावट, ६ अर्ब ४४ करोडभन्दा बढीको कारोबार

सेयर

गृहपृष्ठ
सेयर

नेप्सेमा सामान्य गिरावट, ६ अर्ब ४४ करोडभन्दा बढीको कारोबार

क्यापिटल नेपाल मंगलबार, जेठ २६, २०८३

काठमाडौं। आज नेपाल स्टक एक्सचेन्ज (नेप्से) परिसूचक १.५४ अंकले घटेर २७३३.५९ विन्दुमा बन्द भएको छ। दिनभर उतारचढाव देखिएको बजार अन्तिम समयमा सामान्य गिरावटसहित बन्द भएको हो।

आज ३५७ कम्पनीका १ करोड २३ लाख कित्ता सेयर किनबेच हुँदा ६ अर्ब ४४ करोड ३ लाख रुपैयाँभन्दा बढीको कारोबार भएको छ। कारोबारमा १०५ कम्पनीको सेयर मूल्य बढ्दा १५१ कम्पनीको घट्यो भने १५ कम्पनीको मूल्य स्थिर रह्यो।

सोपान फर्मास्युटिकल्स र कालिञ्चोक हाइड्रोपावरका लगानीकर्ताले सबैभन्दा धेरै कमाएका छन्। दुवै कम्पनीको सेयर मूल्य करिब १५ प्रतिशतले बढेको छ। यस्तै, सप्तकोशी डेभलपमेन्ट बैंकको मूल्य १०।९८ प्रतिशतले वृद्धि भएको छ।

उता, क्रेष्ट माइक्रो लाइफ इन्स्योरेन्सको सेयर मूल्य सबैभन्दा धेरै ९.१६ प्रतिशतले घटेको छ। कारोबार रकमका आधारमा कृषि विकास बैंकको डिबेञ्चर एडीबीएलबी८६ शीर्ष स्थानमा रहँदै ५७ करोड रुपैयाँभन्दा बढीको कारोबार भएको छ भने सेन्ट्रल फाइनान्स ३५ करोड ९० लाख रुपैयाँको कारोबारसहित दोस्रो स्थानमा रहेको छ।

प्रकाशित मिति: मंगलबार, जेठ २६, २०८३ १६:०६

प्रतिक्रिया दिनुहोस्