गृहमन्त्री सुधन गुरुङद्वारा पदभार ग्रहण, यी हुन् चार निर्णय

राजनीति

गृहपृष्ठ
राजनीति

गृहमन्त्री सुधन गुरुङद्वारा पदभार ग्रहण, यी हुन् चार निर्णय

क्यापिटल नेपाल मंगलबार, जेठ २६, २०८३

काठमाडौं। गृहमन्त्रीमा पुनः नियुक्त भएपछि सुधन गुरुङले चार महत्त्वपूर्ण निर्णय सार्वजनिक गरेका छन्।

पदभार ग्रहणपछि आयोजित पत्रकार सम्मेलनमा उनले जेनजी आन्दोलनका क्रममा फौजदारी अभियोजनमा परेकाहरूको मुद्दा फिर्ताबारे सिफारिस गर्न कार्यदल गठन गर्ने घोषणा गरेका हुन्। साथै, २०५८ सालको दरबार हत्याकाण्डबारे भएका अघिल्ला अनुसन्धान प्रतिवेदन अध्ययन गरी थप छानबिन अघि बढाइने बताए ।

त्यस्तै, गृहमन्त्रालय र सुरक्षा निकायबाट हुने संवेदनशील सूचना चुहावट रोक्न ‘सेन्सिटिभ इन्फर्मेसन भिजिलेन्ट टिम’ गठन गरिने निर्णय भएको छ। नेपाल प्रहरीको केन्द्रीय अनुसन्धान ब्यूरो (सीआईबी)लाई थप प्रभावकारी बनाउन अनुसन्धान फाइल शीघ्र टुंग्याउने र गम्भीर प्रकृतिका मुद्दा अनुसन्धानका लागि विशिष्टीकृत समूह गठन गर्ने निर्णयसमेत उनले गरेका छन्।

प्रकाशित मिति: मंगलबार, जेठ २६, २०८३ १९:२६

प्रतिक्रिया दिनुहोस्