×

नेपालमा ४ महिनामा ८ अर्बको सुन आयात 

images

काठमाडौं । चालू आर्थिक वर्ष २०७९/८० को ४ महिनामा नेपालमा करिब ८ अर्ब रुपैयाँको १ हजार ११६ किलोग्राम सुन आयात भएको छ ।

चालू आर्थिक वर्षको पहिलो चौमासिककाे भन्सार विभागले सार्वजनिक गरेकाे  विवरणअनुसार तीन देशबाट ७ अर्ब ९५ करोड १८ लाख ७२ हजार रुपैयाँको सुन आयात भएको छ ।

विभागका अनुसार नेपालमा स्विट्जरल्यान्ड, संयुक्त अरब इमिरेट्स र टर्की  गरी ३ देशबाट नेपालमा सुन आयात भएको छ ।

यसमध्ये टर्कीबाट १५० किलोग्राम  सुन आयात भएको छ । यसैगरी  स्विट्जरल्यान्डबाट १०० किलोग्राम र संयुक्त अरब इमिरेट्सबाट ८६६.५४ किलोग्राम सुन आयात भएको  विभागले जनाएको छ ।

सरकारले साउनदेखि कात्तिकसम्म कुल ९४ करोड ९० लाख ६६ हजारको राजस्व संकलन गरेकाे विभागले जनाएको छ । सरकाले अहिले सुन आयातका लागि वाणिज्य बैंकहरूलाई मात्र अनुमति दिएको छ । साेहीअनुसार वाणिज्य बैंकहरूले पालैपालो सुन आयात गर्छन् । 

बुधबार १४ मंसिर २०७९ ०४:५१ PM मा प्रकाशित

प्रतिक्रिया