काठमाडौं । साना तथा मझौला उद्यमीहरूलाई सहयोग गर्न नबिल बैंक र वान टु वाचबीच सहकार्य गरेको छ ।
कोभिड १९ एमएसएमई कोष नेपाल’अन्तर्गत लघु, साना तथा मझौला उद्यम (एमएसएमई) हरुलाई ब्याज मुक्त र धितो रहित कर्जा प्रदान गर्ने सम्झौता गरेको हो ।
यस रणनीतिक साझेदारीमा लघु, साना तथा मझौला उद्यमहरूलाई कोभिड १९ बाट प्रभावित तर व्यवसायलाई निरन्तरता दिने क्षमता भएका व्यवसायलाई धितो रहित र ब्याजमुक्त छोटो अवधिको कर्जाले लाभान्वित भई कोभिड १९को प्रभावबिरूद्ध लड्न तथा व्यवसायलाई निरन्तरता दिन मद्दत हुनेछ ।
त्यसै गरि यी व्यवसायहरु मध्येका छनोटमा परेका व्यवसायीहरुले आफ्नो व्यावसाय अनुकूल परामर्श पनि प्राप्त गर्ने छन् । पूर्व निर्धारित मापदण्डको आधारमा व्यवसाय सुचारु गर्ने सम्भाव्यताको मूल्यांकन गरिएको एमएसएमईहरूले नबिल बैंकबाट धितो रहित कर्जा प्राप्त गर्नेछन र ब्याज रकम अधिकतम १८ महिनासम्म कोषले भुक्तान गर्नेछ ।
वान टु वाचका प्रबन्ध निर्देशक सुमन जोशीले नबिल बैंकलाई पार्टनर बैंकहरूको सुचीमा राख्न पाउदा अत्यन्त खुशी भएको बताए ।
‘केही हप्ता अघि यो कोषको थालनी भएदेखि हामीले नेपालका विविध क्षेत्र तथा विभिन्न भुगोलका एमएसएमईबाट धेरै उत्साहजनक प्रतिक्रिया प्राप्त गरेका छौ उनले भने, नबिल बैंकको सहभागितामा एसएमईलाई यस कठिन समयमा अघि बढ्न र रोजगारी जोगाउन तथा सिर्जना गर्न अझ मद्दत गर्नेछ ।’
लघु, साना तथा मझौला उद्यमहरूले कोषको लागि निम्न लिंकमा (जततउकस्ररचद।नथरडवत्रशहन) रहेको आवेदन फारम भरी कर्जा आवेदन गर्न सक्छन् ।
नबिल बैंकका डेपुटी सीईओ सुजित कुमार शाक्य र वान टु वाचका प्रबन्ध निर्देशक जोशीले सम्झौता पत्रमा हस्ताक्षर गरेका छन् ।
सो कार्यक्रममा नबिल बैंकका तर्फबाट प्रमुख एसएमई र लघुवित्त निरज बस्नेत डनिल र वान टु वाचका तर्फबाट कार्यक्रम प्रबन्धक, सुब्रिना श्रेष्ठको उपस्थिति थियो ।
साझेदारीको बारेमा बोल्दै बैंकका सीईओ अनिल केशरी शाहले नेपालको एमएसएमई क्षेत्रलाई सहयोग गर्न, उनीहरूको व्यवसायलाई बढाउन र दीर्घकालीन स्थायित्व र समग्र आर्थिक बृद्धिका लागि मद्दत गर्न सदैब तयार रहेको बताए ।
कोभिड १९ प्रभावित व्यवसायलाई यस कठिन समयमा बाच्नको लागि सहयोग पुर्याउन र निरन्तरता दिइ सक्षम हुन धितो रहित र ब्याजमुक्त कर्जा प्रदान गर्न यस प्रयासमा वन टु वाचको साथ सहकार्य गर्न धेरै उत्साहित छौं,सीईओ शाहले भने ।
नबिलले लघु, साना तथा मझौला उद्यमीहरूलाई वित्तीय पहुच पु¥याउन सजिलो बनाउने सेवाहरू ल्याएर एमएसएमई क्षेत्रको प्रबर्धनमा सदैब केन्दि«त रहेको उनले बताए ।