निगमको दश वर्षे व्यावसायिक योजना बुझाइयो मन्त्रीलाई, ५ अर्ब ३० करोड नाफाको प्रक्षेपण

account_box क्यापिटल नेपाल ,
प्रकाशित: २०७७ मङ्सिर २९, साेमबार,०४:३९:PM  
निगमको दश वर्षे व्यावसायिक योजना बुझाइयो मन्त्रीलाई, ५ अर्ब ३० करोड नाफाको प्रक्षेपण

काठमाडौं । नेपाल वायुसेवा निगमले दश वर्ष भित्रमा ५ अर्ब ३० करोड नाफा कमाउने प्रक्षेपण गरेको छ । सोमबार संस्कृति, पर्यटन तथा नागरिक उड्डयन मन्त्री योगेश भट्टराईलाई बुझाएको योजनामा निगम शुरुका तीन वर्ष नोक्सानै रहने भएता पनि सन २०२४ वाट नाफामा जाने र २०३० मा ५ अर्व ३० करोड मुनाफा हुने प्रक्षेपण गरिएको छ । 

उक्त कार्ययोजना अनुसार अघि बढ्दा सन २०२१ मा बार्षिक २३ अर्ब ७६ करोड खर्च हुने र प्रत्येक वर्ष  ९ प्रतिशतले खर्च वृद्धि हुने प्रक्षेपण गरिएको छ । 

सो योजनामा निगमले सो योजना अनुसार २०२४ बाट नाफामा जानका लागि  अन्तर्राष्ट्रिय उडानतर्फ सिड्नी, कोलम्बो, संघाई, इन्डोनेसिया, रियाद लगायत ८ नयाँ गन्तव्य थप्नुपर्ने भन्दै ती नयाँ गन्तव्यमा सेवा दिन  न्यारो वडी ४ वटा र वाइड बडी २ वटा गरि ६ जहाज आवश्यक पर्ने जनाएको छ । 
त्यस्तै, आन्तरिक उडान तर्फ को सुधारका लागि पनि काठमाडौं, नेपालगंज, पोखरा र विराटनगरलाइ पहाडी क्षेत्र उडानको मुख्य आधार बनाएर उडान गर्नुपर्ने प्रतिवेदनमा उल्लेख छ ।

नेपाल सरकारको १५ औं पञ्चवर्षीय योजना, सरकारको नीति तथा कार्यक्रम, हवाई नीति २०६३, संस्कृति, पर्यटन तथा नागरिक उड्डयन मन्त्रालयको प्रतिवेदन, सुधार सुझाव समितिको सिफारिस र विगतमा तयार भएका व्यवसायिक योजनाको पुनरावलोकनलाई आधार बनाएर व्यावसाियक योजना तयार पारिएको महाप्रवन्धक पौडेलले बताए । 

योजना प्रतिवेदनमा निगमको वित्तिय अवस्था, बजार विश्लेषण, कोभिड–१० ले निगममा पारेको असर, नेपाल सरकारबाट गरिएको अपेक्षालगायतका विषयवस्तुलाई सुक्षमरुपमा उल्लेख गरिएको बताएका छन् ।

निगमले तयार पारेको १० वर्षे एकिकृत व्यावसायिक योजना प्रतिवेदन बुझ्दै मन्त्री भट्टराईले त्यहाँभित्रको सुशासन र चुहावट नियन्त्रणजस्ता काम भएका सरकारले राष्ट्रिय ध्वजावाहक हुनुको नाताले निगमलाई सहुलियत प्रदान गर्ने बताए ।

व्यावसायिक योजनाले निगम कुन बाटोमा हिड्ने भन्ने राजमार्ग तयार भएको उल्लेख गर्दै उहाँले उक्त राजमार्गबाट दायाँबाँया नगरि अहिले घाटामा रहेको निगमलाई व्यवसायिकरुपमा सफल बनाउनु पर्ने बताए ।


 

प्रतिक्रिया दिनुहोस
सम्बन्धित समाचार

क्याटेगोरी मुख्य समाचार बाट थप

Top