जिल्ला प्रशासन कार्यालय तनहुँले १ करोड १७ लाख २१ हजार रूपैयाँ राजस्व सङ्कलन गरेको छ । कार्यालयले आव ०७७/०७८ को साउनदेखि पुस मसान्तसम्म छ महिनाको अवधिमा उक्त राजस्व सङ्कलन भएको जनाएको छ ।
राहदानी शुल्कबापत ९२ लाख १० हजार ५ सय रूपैयाँ, न्यायिक दण्ड, जरिवाना र जफत शुल्क १६ लाख ९१ हजार रूपैयाँ, कम्पनी संस्था रजिष्टे«शन नवीकरण शुल्क ५ लाख ३६ हजार २ सय २० रूपैयाँ सङ्कलन गरेको छ ।
त्यसैगरी प्रशासनिक दण्ड, जरिवाना, जफत शुल्क २ लाख ८ हजार ९ सय रूपैयाँ, हातहतियारको इजाजतपत्र दस्तुर ६५ हजार ६ सय ५० र अन्य प्रशासनिक सेवा शुल्क ८ हजार ७ सय ३० रूपैयाँ गरी उक्त राजस्व सङ्कलन गरेको हो ।
जिल्ला प्रशासन कार्यालयले नेपाली नागरिकता प्रमाणपत्र ४ हजार ३ सय ४५, प्रतिलिपि नागरिकता २ हजार १३४ नाबालक परिचयपत्र १ सय १०, अङ्गिकृत दुई र एउटा नागरिकता रद्द गरेको सहायक प्रमुख जिल्ला अधिकारी चित्राङ्गत बरालले जानकारी दिए।
त्यसैगरी जिल्लाबाट सिफारिस गरिएका राहदानी १ हजार ९ सय, दु्त सेवा सिफारिस ४ सय, राहदानी वितरण १ हजार २ सय ६१ रहेको छ । कार्यालयले विपद् पीडितका लागि १२ लाख ५९ हजार रूपैयाँ सहयोग गरेको छ । कार्यालयमा ४१ मुद्दा दर्ता भएकोमा सबै मुद्दा फछ्र्यौट भएको सो कार्यालयले जनाएको छ ।
त्यसैगरी कार्यालयले अन्य सिफारिस एक हजार ६०७, आदिवासी जनजाति प्रमाणित ८०८, पेन्सन सिफारिस ६६४ र दलित प्रमाणित १०३ सिफारिस गरिएको जनाएको छ । संस्था नवीकरण ४४८, हातहतियार नवीकरण ११५, हातहतियार नामसारी तीन, तिब्बती शरणार्थी परिचयपत्र नवीकरण १४०, संस्था नयाँ दर्ता ११, शरणार्थीका लागि यात्रा अनुमतिपत्र सिफारिस एक जनालाई गरिएको छ ।
कोरोना भाइरसको सङ्क्रमणका कारण लामो समय सेवा प्रवाह रोकिन पुगेका कारणले राजस्व सङ्कलनमा कमी आएको प्रमुख जिल्ला अधिकारी सागर आचार्यले बताए ।
रोकथाम तथा नियन्त्रणका लागि नेपाल सरकारबाट जारी भएको लकडाउनको आदेशपश्चात् रोकिएका विकास निर्माणका काम सुरक्षाका मापदण्ड अपनाएर सुरु गर्न लगाइएको प्रजिअ आचार्यले जानकारी दिए।
जिल्लाभित्रका राष्ट्रिय आयोजना तथा प्राथमिकतामा रहेका योजना तथा आयोजना र अन्य निर्माणका कार्यलाई क्रमशः अघि बढाउन सहजीकरण गर्दै अघि बढिएको प्रशासन कार्यालय तनहुँले जनाएको छ ।