×

युक्रेन युद्धअघि रूसलाई ड्रोन उपलब्ध गराएको इरानद्वारा स्वीकार

images

एजेन्सी । इरानले युक्रेन युद्धअघि रूसलाई ड्रोन उपलब्ध गराएको स्वीकार गरेको छ । इरानी विदेशमन्त्री होसेन अमीराबदुल्लाहियानले युक्रेनमाथि आक्रमण हुनुभन्दा केही महिनाअघि थोरै सङ्ख्यामा ड्रोन पठाइएको शनिबार बताएका हुन् । 

तेहरानले मस्कोलाई ड्रोन आपूर्ति जारी राखेको पश्चिमा राष्ट्रहरूको आरोपको खण्डन गर्दै तिनको प्रयोग युक्रेनी ऊर्जा केन्द्र र नागरिक पूर्वाधारहरूमा लक्ष्यित भएनभएको यकिनका साथ भन्न नसकिने स्पष्ट गरे। 
    
“युक्रेन युद्धमा इरानले रूसलाई क्षेप्यास्त्र र ड्रोन उपलब्ध गराएका आरोप निराधार हुन्,” विदेशन्त्री अमीराबडोल्ला हियानलाई उद्धृत गर्दै सरकारी समाचार समिति इर्नाले जनाएको छ । यद्यपि युक्रेनी राष्ट्रपति भोलोडिमिर जेलेन्स्कीले तेहरानलाई झुटाे बोलेको आरोप लगाउँदै किएभमा सेनाले दिनहुँ कम्तीमा १० वटा ड्रोन खसालेका बताएका छन्  । 

रूसले आफ्नो देशमा आक्रमण सुरु गरेदेखि नै नागरिक र पूर्वाधारमा आक्रमण इरान निर्मित ड्रोन प्रयोग गरेको दाबी गर्दै युक्रेनी राष्ट्रपतिले घातक ती ड्रोनमध्ये ६०–७० प्रतिशत खसालेको बताए । इरानी ड्रोन आपूर्तिलाई लिएर बेलाइत, फ्रान्स र जर्मनीका कूटनीतिज्ञले गत शुक्रबार संयुक्त राष्ट्रसंघ महासचिवलाई पत्र लेखेर छानबिन गर्न आग्रह गरेका थिए । 

आइतबार​ २० कात्तिक २०७९ ०४:४७ PM मा प्रकाशित

प्रतिक्रिया