कर्णाली प्रदेशको बजेट ३३ अर्ब ७४ करोड, ६ प्रतिशत आर्थिक बृद्धिको लक्ष्य

account_box क्यापिटल नेपाल ,
प्रकाशित: २०७७ असार १, साेमबार,०२:४५:PM  
कर्णाली प्रदेशको बजेट ३३ अर्ब ७४ करोड, ६ प्रतिशत आर्थिक बृद्धिको लक्ष्य

काठमाडौं ।  कर्णाली प्रदेशका आर्थिक मामिला तथा योजनामन्त्री प्रकाश ज्वालाले प्रदेशसभामा ३३ अर्ब ७४ करोड १३ लाख ५३ हजार रुपैयाँको बजेट प्रस्तुत गरेका छन् । 

विनियोजित बजेट मध्ये चालु खर्चतर्फ ५७ प्रतिशत अर्थात १९ अर्ब ६ करोड ९१ लाख २१ हजार विनियोज गरिएको छ । त्यस्तै  पूजीगत खर्चतर्फ ३४ प्रतिशत अर्थात ११ अर्ब ६७ करोड  ५७ लाख ३२ हजार बजेट विनियोजन गरेको छन् ।  वित्तीय हस्तान्तरण तर्फ ९ प्रतिशत २ अर्ब ९९ करोड ६५ लाखबजेट विनियोजन भएको छ ।  

कर्णाली प्रदेश सरकारले कोभिड १९ रोकथाम र नियन्त्रणका लागि ८७ करोड ४१ लाख  बजेट छुट्टयाएको छ । बजेटले करिब ६ प्रतिशत आर्थिक वृद्धिको लक्ष्य लिएको छ । 

स्रोत व्यवस्थापन तर्फ ११ अर्ब  १९ करोड  चालु आर्थिक वर्षमा खर्च नभएको रकम,  ३० करोड ६ लाख आन्तरिक राजश्वबाट, ७ अर्ब ३९ करोड ५६ लाख संघीय सरकारको राजश्व बाँडफाँड, ९ अर्ब ६३ करोड २९ लाख वित्तीय समानीकरण अनुदानबाट स्रोत व्यवस्थापन हुने मन्त्री ज्वालाले जानकारी दिए । 

यस्तै ४ अर्ब  ४९ करोड ११ लाख सर्शत अनुदान, २५ करोड २५ लाख समपूरक अनुदान, ४६ करोड विशेष अनुदान र १ करोड ७६ लाख वैदेशिक सहायताबाट स्रोत व्यवस्थापन हुने उनले बताए । 

क्यापिटल नेपाल

थप

expand_more
प्रतिक्रिया दिनुहोस
सम्बन्धित समाचार

क्याटेगोरी मुख्य समाचार बाट थप

Top