काठमाडौं । नेपाल पर्यटन बोर्डले प्यासिफिक एसिया ट्राभल एसोसिएसन (पाटा)द्वारा आयोजित अन्तराष्ट्रिय कार्यक्रम ड्रीम टु ट्राभल फेस्टिवलमा उपलब्धीमूलक सहभागिता रहेको जनाएको छ ।
चार हप्तासम्म चल्ने यो एक अनलाइन इभेन्ट हो । जसले विश्वव्यापी यात्रा व्यवसायहरूलाई एउर्ट सन्जालमा जोड्दछ, र यी चुनौतीपूर्ण समयमा यात्राको लागि तयारी गराउँछ । भिजिट नेपाल कार्यक्रम अन्तर्गत उक्त उत्सवमा बोर्डले नेपाललाई कोभिड १९ पछिको समयमा शरीर, दिमाग र आत्माको पुनरुत्थान र स्वास्थ्यको लागि पर्यटन गन्तव्यको रूपमा प्रदर्शन गर्यो ।
भिजिट नेपाल कार्यक्रम जुलाई ६–१० सम्म जारी रह्यो।
कार्यक्रमको पहिलो दिनमा बोर्ड प्रबन्धक बिमल कँडेलले नेपाल गन्तव्यको बारेमा एक प्रस्तुती दिएका छन् । । सोही दिन प्रत्यक्ष अनुभव सत्रमा बोर्डले मःम बनाउने प्रत्यक्ष प्रस्तुती दियो, जहाँ एक मास्टर शेफले मःम पकाउने बिधी प्रदर्शन गरे। मःम नेपालको धेरै लोकप्रिय खानामध्ये एक हो।
जुलाई ७ मा संस्कृति, पर्यटन र नागरिक उड्डयन लागि मन्त्री योगेश भट्टराईले प्रत्यक्ष बीबीसी न्यूज फायरसाडमा सहभागी भएका थिए । नेपाल पर्यटन बोर्डका कार्यकारी प्रमुख डा. धनञ्जय रेग्मी, र नेपाल सरकार, बोर्ड तथा यस समूह होटेलका अन्य अधिकारीहरूले नेपाललाई अध्यात्मिक केन्द्रका रुपमा छलफल र प्रस्तूति गरेका थिए।
पाटा ड्रीम टु ट्राभलको नलेज सेसन मा नेपाल पर्यटन बोर्डका वरिष्ठ निर्देशक नन्दिनी लाहे थापाले आध्यात्मिक पर्यटन सम्बन्धी प्रस्तुति दिए । प्रस्तुतिले नयाँ समयमा नेपाल केवल भ्रमण गर्ने ठाउँ वा कुनै नियमित पर्यटन गन्तव्य मात्र नभएर पुनर्ताजगी र आध्यात्मिक उपचार गर्ने ठाउँ पनि हो भन्ने कुरामा जोड दिइन ।
भिजिट नेपाल कार्यक्रमको अन्तिम दिनमा संस्कृति अभियन्ता अनिल चित्रकारले बुद्धको जन्मस्थल लुम्बिनीका बारेमा आयोजित प्रत्यक्ष कार्यक्रममा सहभागी भए ।उनले लुम्बिनी पूर्वाधार, गौतम बुद्ध अन्तर्राष्ट्रिय विमानस्थल, र मास्टर प्लानको बारेमा वर्णन गरे । चित्रकारले लुम्बिनी भगवान बुद्धको जन्मस्थलको रूपमा भ्रमण गर्ने ठाउँ मात्र नभएर आफैं चिन्न सघाउने गन्तब्य भएको प्रकाश पारे ।
ड्रीम टु ट्राभल फेस्टिवल, डिजिटल अनुभवको सम्भावनाहरूमार्फत गन्तब्य र यात्रालाई एकजुट गर्ने भर्चुअल इभेन्ट हो । जुन ४ साता सम्म चली जुलाई १७ मा समाप्त हुनेछ ।