भारतले दिने १० लाख मात्रा खोप बिहीबार काठमाडौं आइपुग्ने

मुख्य समाचार

गृहपृष्ठ
मुख्य समाचार

भारतले दिने १० लाख मात्रा खोप बिहीबार काठमाडौं आइपुग्ने

क्यापिटल नेपाल बुधबार, माघ ७, २०७७

काठमाडौं । नेपाललाई भारतले अनुदानस्वरूप दिने भनेको कोरोना भाइरसको १० लाख मात्रा खोप बिहीबार नेपाल आइपुग्ने भएको छ । बुधवार आयोजित पत्रकार सम्मेलनमा स्वास्थ्यमन्त्री ह्रदयेश त्रिपाठीले खोप बिहीबार काठमाडौं आइपुग्ने बताएका हुन् ।

सो अवसरमा मन्त्री त्रिपाठीले सो खोप अग्रपङ्क्तिका योद्धालाई दिन सबै तयारी पूरा गरिसकेको बताए।मन्त्री त्रिपाठीले आगामी दिनमा पनि खोप खरिदमा भारत सरकारको सहयोग महत्त्वपूर्ण हुने बताए।

मन्त्री त्रिपाठीले भारत सरकारले प्रतिकूल अवस्थामा पनि औषधिको र अन्य चिकित्सासँग सम्बन्धित सामग्रीको आपूर्ति कायम राखेकोमा खुसी व्यक्त गर्दै खोपलाई अमूल्य उपहार भने।

नेपालका लागि भारतीय राजदूत विनयमोहन क्वात्राले भने उडानसम्बन्धी सबै व्यवस्था मिलेमा केही दिनमा भारतले उपहारको रूपमा दिएको खोप नेपाल आइपुग्ने बताए। भारतबाहिर यो खोप प्राप्त गर्ने पहिलो देशहरूमध्ये नेपाल पनि भएको बताए।

प्रकाशित मिति: बुधबार, माघ ७, २०७७ १५:४७

प्रतिक्रिया दिनुहोस्