कच्चा तेलको मूल्य ७ वर्ष यताकै उच्च, प्रतिब्यारेल ११० डलर

मुख्य समाचार

गृहपृष्ठ
मुख्य समाचार

कच्चा तेलको मूल्य ७ वर्ष यताकै उच्च, प्रतिब्यारेल ११० डलर

क्यापिटल नेपाल बुधबार, फागुन १८, २०७८

काठमाडौं । रुस–युक्रेन युद्ध चकिएसँगै कच्चा तेलको मूल्य पछिल्लो ७ वर्ष यताकै उच्च भएको छ । रुसले युक्रेनमाथि आक्रमण गरेपछि पश्चिमा राष्ट्रहरुले रुसमाथि कडा प्रतिबन्ध लगाउँदा कच्चा तेलको मूल्य उच्च हुँदै गएको हो ।

रुस विश्वमा सबैभन्दा बढी कच्चा तेल उत्पादन गर्ने दोस्रो राष्ट्र हो । रुसले दैनिक १० हजार ब्यारेल किलोलिटर कच्चा तेल उत्पादन गर्दै आइरहेको छ ।

पश्चिमा राष्ट्रहरू अमेरिका, क्यानडा तथा युरोपियन युनियनले रुसमाथि आर्थिक नाकाबन्दी लगाएका छन् । जसका कारण रुसी मुद्रा रुबेलमा गिरावट आएको छ भने कच्चा तेलको मूल्यसमेत बढदै गएको छ । आज एकै दिन प्रतिब्यारेल ५ डलरले बढेर ११० डरल पुगेको छ ।

कच्चा तेलको मूल्य निरन्तर बढदै गएपछि तेल उत्पादक राष्ट्रहरुको संगठन ओपेकले कच्चा तेलको मूल्य ८० देखि ९० डरल प्रतिब्यारेलबीच स्थिर गर्ने सहमति गरेका थिए । तर, रुस–युक्रेनबीच युद्ध चर्किएपछि कच्चा तेलको मूल्य ओपेक राष्ट्रले तोकेको भन्दा निकै माथि पुगेको छ ।

हाल विश्वमा विभिन्न बस्केटहरुमा कच्चा तेल बिक्री हुने गरेको छ । जसमा ब्रेन्ट बास्केटको सबभन्दा बढी ११० डलर प्रतिब्यारेल छ । त्यस्तै डब्लूटीआई बास्केटको १०८, डिएमई १०३, म्याक्सिकन ९१ डलर र इन्डियन बास्केटको ९६ डलर प्रतिब्यारेल पुगेको छ ।

प्रकाशित मिति: बुधबार, फागुन १८, २०७८ ११:२६