गैरआवासीय नेपालीलाई सेयर बजारमा प्रवेश, वैदेशिक रोजगारमा गएकालाई आईपीओमा सुविधा

सेयर

गृहपृष्ठ
सेयर

गैरआवासीय नेपालीलाई सेयर बजारमा प्रवेश, वैदेशिक रोजगारमा गएकालाई आईपीओमा सुविधा

क्यापिटल नेपालआइतबार, जेठ १५, २०७९

सरकारले गैरआवसीय नेपालीलाई सेयर बजारमा लगानी गर्ने भएको छ । अर्थमन्त्री जनार्दन शर्माले आगामी आर्थिक वर्षको बजेट सार्वजनिक गर्र्दै विदेशमा रहेका नेपालीलाई सेयर बजारमा भित्र्याउन कानुन बनाइने उल्लेख गरेका हुन् ।

वैदेशिक रोजगारीमा गएका कामदारलाई आईपीओको कोटा व्यवस्था गरेको हो। म्युचुअल फन्डले कोटा पाएझैं वैदेशिक रोजगारीमा गएकालाई आईपीओमा कोटा व्यवस्था गर्न लागिएको हो ।

आईपीओमा विदेशमा काम गर्न गएकालाई निश्चित कोटा दिनासाथ विदेशबाट आईपीओ भर्न भन्दै ठूलो रकम नेपाल आउने र यसले विदेशी मुद्रा सञ्चितिमा परेको दबाबलाई कम गर्ने सरकारी अपेक्षा छ ।

विदेशमा झण्डै ५० लाख नेपालीहरु काम गर्छन् । उनीहरुलाई आईपीओमा कोटा दिनासाथ नेपाल भित्रिने रेमिट्यान्स पनि बढ्ने छ ।
गैरआवासीय नेपालीहरुलाई दोस्रो बजारमा कारोबार खुलाउने प्रयास पनि चलिरहेको छ । अहिलेसम्म उनीहरुलाई दोस्रो बजारमा पहुँच दिइएको छैन ।

तर, डलर खाता खोल्न र सेकेन्डरी बजारमा खेल्न दिनेबित्तिकै ठूलो रकम विदेशबाट भित्रिने छ । एनआरएनहरुलाई सेकेन्डरी बजारमा प्रवेश दिनासथा बजार उचाइतर्फ लाग्छ । बैंकमा डलर खाता खोल्न दिने र त्यसबाट सेकेन्डरी मार्केटमा कारोबार गर्न दिने बोर्डको तयारी छ ।

प्रकाशित मिति: आइतबार, जेठ १५, २०७९ १८:२३

प्रतिक्रिया दिनुहोस्