नाडा अध्यक्ष थापा भन्छन्- एसेम्बल उद्योगको सुविधा ठीक, विद्युतीय गाडीमा भन्सार बढेको बेठीक

मुख्य समाचार

गृहपृष्ठ
मुख्य समाचार

नाडा अध्यक्ष थापा भन्छन्- एसेम्बल उद्योगको सुविधा ठीक, विद्युतीय गाडीमा भन्सार बढेको बेठीक

क्यापिटल नेपालआइतबार, जेठ १५, २०७९

काठमाडौंमा । अटोमोबाइल्स एसोसिएसन अफ नेपाल (नाडा) का अध्यक्ष धु्रब थापाले एसेम्बल गर्ने नयाँ उद्योग स्थापना गरेमा सो उद्योगलाई कारोबार सुरु गरेको मितिले ५ वर्षसम्म ४० प्रतिशत आयकर छुट दिने व्यवस्था स्वागतयोग्य रहेको बताए ।

सरकारको यो निर्णयबाट नेपालमै चारपाङ्ग्रे विद्युतीय सवारीसाधन उत्पादन बढ्ने भएकोले पनि यो निर्णय कार्यन्वयन भए नेपाललाई सहज हुने समेत उनको प्रतिक्रिया छ ।

नेपालमा चारपाङ्ग्रे सवारीसाधन उत्पादन वा एसेम्बल गर्ने उद्योग स्थापना गरेमा सवारी साधन उत्पादनका लागि चाहिने पाटपूर्ज वा कच्चा पदार्थको आयातमा उद्योग विभागको सिफारिसमा ५० प्रतिशत अन्तःशुल्क छुट दिनुका साथै भन्सार महसुलमा समेत २५ प्रतिशत छुट दिने व्यवस्था पनि सकरात्मक रहेको उनको टिप्पणी छ ।

विद्युतीय रिक्सा र विद्युतीय मोटरसाइकल वा स्कुटर उत्पादन गर्ने उद्योगले प्रयोग गर्ने कच्चापदार्थ वा पाटपुर्जामा १ प्रतिशतमात्र भन्सार महसुल लाग्ने व्यवस्थाले पनि व्यवसायलाई सहज हुने अध्यक्ष थापाको भनाइ छ ।

थापाले विद्युत्तीय गाडीमा बढाइएको भन्सार भने सान्दर्भिक नभएको बताए । एकातिर विद्युत्तीय गाडीलाई प्रवर्धन गर्ने भन्ने अर्काेतिर भन्सार बढाउने निर्णयले अटो व्यवसायी निरुत्साहित भएका उनकाे भनाइ छ ।

प्रकाशित मिति: आइतबार, जेठ १५, २०७९ २०:१४

प्रतिक्रिया दिनुहोस्