मध्यपुरथिमि नगरपालिकाले गर्याे ३ अर्बकाे बजेट पारित

मुख्य समाचार

गृहपृष्ठ
मुख्य समाचार

मध्यपुरथिमि नगरपालिकाले गर्याे ३ अर्बकाे बजेट पारित

क्यापिटल नेपालमंगलबार, असार २१, २०७९

भक्तपुर । मध्यपुरथिमि नगरपालिकाको सोमबार बसेको छैटौं नगरसभाको दोस्रो बैठकले आर्थिक वर्ष २०७९-८० का लागि विनियोजित बजेट सर्वसम्मतले पारित गरेको छ ।

बैठकले आव २०७९-८० का लागि नगर उपप्रमुख विजयकृष्ण श्रेष्ठले प्रस्तुत गरेको ३ अर्ब १५ करोड १० लाख रुपैयाँकाे बजेट छलफलपछि सर्वसम्मत रूपले पारित गरेको हो ।

मध्यपुरथिमि नपाको वार्षिक बजेटमा नगरपालिकाद्वारा सञ्चालित कमेरोटार जग्गा एकीकरण आयोजनाको ६० करोड ८७ लाख ६२ हजार र नेपाल–कोरियामैत्री नगरपालिका अस्पतालतर्फ ५७ करोड ३७ लाख ४६ हजार रुपैयाँसमेत समावेश गरिएको उनले बताए ।

यसैगरी नगरसभाले विभिन्न चार ऐनसमेत सर्वसम्मतले पारित गरेको नगर प्रवक्ता एवं वडा नं ३ का वडाध्यक्ष कृष्णहरि आचार्यले जानकारी दिए ।

नगरसभाले सुखी र समृद्ध मध्यपुरथिमि बनाउने अठोटका साथ शिक्षा ऐन– २०७९, स्वास्थ्य ऐन–२०७९, सहकारी ऐन– २०७९ र विपद् जोखिम न्यूनीकरण व्यवस्थापन ऐन– २०७९ सर्वसम्मतले पारित गरेको उनले बताए । बैठकमा नगरप्रमुख सुरेन्द्र श्रेष्ठले मध्यपुरथिमि नगरको नीति तथा कार्यक्रम र बजेट तथा कार्यक्रम सर्वसम्मतले पारित गरेर नगरसभालाई ऐतिहासिक बनाउन भूमिका खेल्ने सबै नगरसभा सदस्यलाई धन्यवाद दिए ।

उनले नगरपालिकाको विकासमा सबै राजनीतिक दलहरूसँग सहकार्य र समन्वय गरेर अघि बढ्ने प्रतिबद्धता व्यक्त गरे ।

प्रकाशित मिति: मंगलबार, असार २१, २०७९ ११:०२

प्रतिक्रिया दिनुहोस्