जग्गाको कम मूल्याङ्कन गरी राजस्व छली गरेको अभियोगमा वडाध्यक्ष शम्भुप्रसाद मैनालीविरुद्ध मुद्दा

समाज

गृहपृष्ठ
समाज

जग्गाको कम मूल्याङ्कन गरी राजस्व छली गरेको अभियोगमा वडाध्यक्ष शम्भुप्रसाद मैनालीविरुद्ध मुद्दा

क्यापिटल नेपालशुक्रबार, फागुन २६, २०७९

काठमाडौं। अख्तियार दुरुपयोग अनुसन्धान आयोगले पूर्वपश्चिम राजमार्गमा जोडिएको जग्गाको कम मूल्याङ्कन गरी राजस्व छली गरेको अभियोगमा सर्लाही हरिवन नगरपालिका–१० का अध्यक्ष शम्भुप्रसाद मैनालीसमेत तीनविरुद्ध आज विशेष अदालतमा मुद्दा दायर गरेको छ।

आयोगका सहायक प्रवक्ता देवीप्रसाद थपलियाका अनुसार राजमार्गसँग जोडिएको जग्गाको न्यूनतम मूल्यभन्दा कम राखी रजिष्ट्रेशन पास गरी हिनामिना गरेको अभियोगमा वडाध्यक्ष मैनालीविरुद्ध नौ लाख ३६ हजार हजार रुपैयाँबराबरको बिगो दावी गर्दै आज मुद्दा दायर गरिएको हो।

यस्तै आयोगले स्थानीय गौरीकुमारी र हिराकुमारी श्रेष्ठविरुद्ध पनि समान नौ लाख ३६ हजार रुपैयाँ बराबरको बिगो दावी गर्दै मुद्दा दायर गरेको छ।

त्यस्तै आयोगले आजै सरकारी साक्षीका रुपमा पेश गरिएको बाबा कृष्णराम पशुफार्म सप्तरीका सञ्चालक बेचन यादव मगरदैताविरुद्ध २१ हजार रुपैयाँ बराबरको बिगो दावी गर्दै मुद्दा दायर गरेको छ ।

विशेष अदालतमा गरेको बकपत्रमा अनुसन्धान हुँदा सरकारी साक्षीले बयानको क्रममा गलत बकपत्र गरेको पुष्टि भएकाले आजै विशेष अअदालतमा मुद्दा दायर गरिएको आयोगले जनाएको छ । रासस

प्रकाशित मिति: शुक्रबार, फागुन २६, २०७९ २१:५९

प्रतिक्रिया दिनुहोस्