काम छिटो छरितो गर्न कर्मचारीलाई आपूर्तिमन्त्री रिजालकाे निर्देशन

समाज

गृहपृष्ठ
समाज

काम छिटो छरितो गर्न कर्मचारीलाई आपूर्तिमन्त्री रिजालकाे निर्देशन

क्यापिटल नेपालबुधबार, वैशाख ६, २०८०

काठमाडाैं। उद्योग वाणिज्य तथा आपूर्तिमन्त्री रमेश रिजालले जनताको कामहरु छिटो छरितो गर्न कर्मचारीहरुलाई निर्देशन दिएका छन्।

पर्सा प्रमुख जिल्ला अधिकारी हिरालाल रेग्मीको अध्यक्षतामा जिल्ला भरिका सरकारी कार्यालय प्रमुखहरुको उपस्थिति रहेको कार्यक्रममा मन्त्री रिजालले पर्साको ठोरी, निर्मलबस्ती र बिजयबस्तिको जग्गा अहिलेसम्म हाल साबिक हुन नसकेकोप्रति प्रश्न गर्दै जनतालाई सास्ती नदिई सहज तवरले कामहरू सम्पन्न गर्न निर्देशन दिए।

यस क्षेत्रका स्थानीय जनतालाई पुरानो नापिले लालपुर्जा हस्तान्तरण गरे पनि नयाँ लालपुर्जा र हाल साबिक हुन भने सकेको छैन। मन्त्री रिजालले कामका लागि आउने जनतालाई कार्यालयमा झारो टार्ने अनि कुरा बङग्याउने जस्त गुनासाहरु दिनहु आउने गरेकोसमेत कर्मचारीहरुलाई अवगत गराए।

'कहाँ ग्यारेन्टी बस्नुपर्छ म बस्छु तर जनताको काम गरेर देश बनाउने अभियानमा लाग्नुस,' भन्दै मन्त्री रिजालले देशमा रहेको आर्थिक संकटसँग लडन कर्मचारीहरुको अहम भूमिका रहने बताउँदै काँधमा काँध मिलाएरअघि बढ्नसमेत निर्देशन दिए।

प्रकाशित मिति: बुधबार, वैशाख ६, २०८० १७:३६

प्रतिक्रिया दिनुहोस्