राष्ट्रिय अनुसन्धान विभागका उपअनुसन्धान निर्देशकविरुद्ध मुद्दा

समाज

गृहपृष्ठ
समाज

राष्ट्रिय अनुसन्धान विभागका उपअनुसन्धान निर्देशकविरुद्ध मुद्दा

क्यापिटल नेपालआइतबार, जेठ २७, २०८१

काठमाडौं । अख्तियार दुरुपयोग अनुसन्धान आयोगले राष्ट्रिय अनुसन्धान विभागका उपअनुसन्धान निर्देशक हेमन्त चौधरीविरुद्ध विशेष अदालतमा मुद्दा दायर गरेको छ।

मगध विश्वविद्यालय, बोधगया, भारतबाट बीए उत्तीर्ण गरेको भनी नक्कली शैक्षिक योग्यताको प्रमाणपत्र पेस परेको पुष्टि भएको भन्दै अख्तियारले आइतबार विशेष अदालतमा मुद्दा दायर गरेको हो।

अख्तियार प्रवक्ता नरहरि घिमिरेले नेपाल प्रहरी, सशस्त्र प्रहरी बल नेपाल र राष्ट्रिय अनुसन्धान विभागमा कार्यरत कर्मचारीले सेवा प्रवेश र बढुवाको लागि नक्कली शैक्षिक प्रमाणपत्र पेस गरेको दाबीसहित उजुरी परेपछि छानबिनका क्रममा चौधरीले नक्कली प्रमाणपत्र पेस गरी राष्ट्रिय अनुसन्धान अधिकृतको बढुवा नियुक्ति लिएको पाइएको बताए।

त्यसपश्चातका माथिल्ला विभिन्न पदको लागिसमेत उनले सोही प्रमाणपत्र पेस गरी हाल उपअनुसन्धान निर्देशक रही ओहोदा, लाभ र सुविधा प्राप्त गरेको पुष्टि भएको भ्रष्टाचार निवारण ऐनअनुसार कैद र जरिवाना सजाय हुन मागदाबी लिई मुद्दा दायर गरिएको घिमिरेले जानकारी दिए।

प्रकाशित मिति: आइतबार, जेठ २७, २०८१ १५:००

प्रतिक्रिया दिनुहोस्