प्रतिनिधिसभा बैठकमा प्रधानमन्त्रीसँग प्रश्नोत्तर कार्यसूची

राजनीति

गृहपृष्ठ
राजनीति

प्रतिनिधिसभा बैठकमा प्रधानमन्त्रीसँग प्रश्नोत्तर कार्यसूची

क्यापिटल नेपाल बिहीबार, चैत ७, २०८१

काठमाडौं आज बस्ने प्रतिनिधिसभा बैठकमा प्रधानमन्त्री केपी शर्मा ओलीसँग सांसदको प्रश्नोत्तर कार्यसूची रहेको संसद् सचिवालयले जनाएको छ।

बिहान ११ बजेदेखि सुरु हुने प्रतिनिधिसभाको बैठकमा सांसदहरूको सोधेका प्रश्नको उत्तर प्रधानमन्त्रीले ओलीले दिनेछन्। प्रश्नोत्तरका लागि लागि सांसद संसद् सचिवालमा प्रश्न टिपाइसकेका छन्।

यस्तै आजको बैठकमा उपप्रधान एवं अर्थमन्त्री विष्णु पौडेलले ‘आर्थिक कार्यविधि तथा वित्तीय उत्तरदायित्व (पहिलो संशोधन) विधेयक, २०८१ माथिको दफावार छलफल गरियोस्’ भन्ने प्रस्ताव प्रस्तुत गर्नेछन्। सो विधेयकमाथि दर्ता भएको संशोधनलाई सभामुखले निर्णयार्थ प्रस्तुत गर्नेछन्।

अर्थमन्त्री पौडेलले ’आर्थिक कार्यविधि तथा वित्तीय उत्तरदायित्व (पहिलो संशोधन) विधेयक, २०८१ लाई पारित गरियोस्’ भन्ने प्रस्ताव प्रस्तुत गर्ने कार्यसूची संसद् सचिवालयले सार्वजनिक गरेको छ।

प्रकाशित मिति: बिहीबार, चैत ७, २०८१ ०८:३१

प्रतिक्रिया दिनुहोस्