रास्वपाको प्रश्नमा प्रधानमन्त्रीको जवाफ- दुई तिहाइको सरकार बनेपछि आर्थिक अवस्था जटिल भएको हो?

राजनीति

गृहपृष्ठ
राजनीति

रास्वपाको प्रश्नमा प्रधानमन्त्रीको जवाफ- दुई तिहाइको सरकार बनेपछि आर्थिक अवस्था जटिल भएको हो?

क्यापिटल नेपालबिहीबार, चैत ७, २०८१

काठमाडौं। प्रधानमन्त्री केपी शर्मा ओलीले देशको अर्थतन्त्र आफू आएर नबिग्रेको दाबी गरेका छन्। बिहीबार बसेको प्रतिनिधिसभा बैठकमा राष्ट्रिय स्वतन्त्र पार्टी (रास्वपा)का सांसद मनिष झाको प्रश्नमा जवाफ दिँदै उनले यस्तो बताएका हुन्।

बैठकमा झाले सोधेको प्रश्नको जवाफ दिँदै प्रधानमन्त्री अ‍ोलीले प्रश्न प्रश्नको रूपमा आए जवाफ दिन सजिलो हुने बताए। तर, आरोपका रूपमा आएकाले खण्डन गर्ने बाध्यता भएको बताएका थिए।

सांसद झाले प्रधानमन्त्रीले नियुक्त गरेका कर्मचारीका कारण सरकार फेल भएको भन्दै प्रश्न गरेका थिए। ‘तपाईंले नियुक्त गरेका कर्मचारीको असक्षमताका कारण सरकार फेल भएको तथ्य स्वीकार्नु हुन्छ? तिनीहरूलाई कहिलेसम्म कारवाही गर्नुहुन्छ?,’ झाले प्रधानमन्त्रीलाई सोधे।

जवाफमा प्रधानमन्त्री अ‍ोलीले नातागोताका मान्छे कतै नियुक्त नगरिएको दाबी गरे। झाको प्रश्नमा प्रधानमन्त्रीले प्रतिप्रश्न गरे, ‘मुलुक चलाउनका लागि शक्तिशाली भनिएका देशले पनि ऋण लिन्छन्। हामीले पनि लिन्छौँ। देशको स्थिति हामीले बुझेका छौँ। गरिबीमा छ देश, आज यो दुईटा ठूला पार्टीको दुई तिहाइको सरकार बनेपछि यो आठ महिनामा देशको आर्थिक अवस्था जटिल ठाउँमा पुगेको हो?’

प्रकाशित मिति: बिहीबार, चैत ७, २०८१ १५:०३

प्रतिक्रिया दिनुहोस्