सरकार परिवर्तनको गाइँगुइँः गठबन्धन भत्किने समाचार सुनेर देउवा दम्पती अचम्मित

राजनीति

गृहपृष्ठ
राजनीति

सरकार परिवर्तनको गाइँगुइँः गठबन्धन भत्किने समाचार सुनेर देउवा दम्पती अचम्मित

क्यापिटल नेपालशुक्रबार, वैशाख १२, २०८२

फाइल तस्बिर

काठमाडौं। सत्तारुढ नेपाली कांग्रेसभित्र प्रधानमन्त्री एवं नेकपा एमाले अध्यक्ष केपी शर्मा ओलीसँगको गठबन्धन टुटाउनुपर्ने आवाज उठिरहेका बेला सभापति शेरबहादुर देउवा दम्पतीले खबर सुन्दा अचम्म लागेको प्रतिक्रिया दिएका छन्।

आज थाइल्यान्ड भ्रमण सकाएर स्वेदश फर्किएका कांग्रेस सभापति देउवा र परराष्ट्रमन्त्रीसमेत रहेकी पत्नी आरजु राणा देउवाले सरकार परिवर्तनका समाचार सुनेर अचम्मित भएको बताएका हुन्।

विमानस्थलमा पत्रकारले सोधेका प्रश्नको जवाफ दिँदै सभापति देउवाले भने, ‘गठबन्धन जसरी पनि टिक्छ। केही भएको छैन। सत्ता समीकरण परिवर्तन हुने कुरा थाहा छैन। कसले भनेको हो, उसैलाई सोध्नू।’

परराष्ट्रमन्त्री राणाले पनि अहिले सरकार परिवर्तन नहुने बताइन्। ‘समाचार आउने गर्छन्। सरकार परिवर्तन गर्न नेपालभित्रै बसेर गर्नुपर्ने होला, विदेशमा गएर यहाँको सरकार त परिवर्तन हुँदैन। हामी पनि छक्क पर्यौं। यसबारे हिजो बेलुकी सभापतिज्यू र प्रधानमन्त्रीज्यूबीच टेलिफोनमा कुराकानी भएको छ,’ उनले भनिन्।

गठबन्धनभित्र कुनै समस्या नभएकाले सरकार परिवर्तन हुँदै नहुने उनको दाबी छ।

प्रकाशित मिति: शुक्रबार, वैशाख १२, २०८२ १३:३८

प्रतिक्रिया दिनुहोस्