कृषिमा युवा आकर्षण गर्न सहुलियत प्याकेज

राजनीति

गृहपृष्ठ
राजनीति

कृषिमा युवा आकर्षण गर्न सहुलियत प्याकेज

क्यापिटल नेपाल शुक्रबार, वैशाख १९, २०८२

काठमाडौं। सरकारले आगामी आर्थिक वर्षको नीति तथा कार्यक्रममा युवालाई कृषिमा आकर्षण गर्न विभिन्न योजना अगाडि बढाउने भएको छ।

राष्ट्रपति रामचन्द्र पौडेलले सदनका दुवै सदनमा सरकारका नीति तथा कार्यक्रम सार्वजनिक गर्दै बताएका हुन्।

युवालाई कृषि क्षेत्रमा संलग्न गराउन मल, बिउ, लगानी, पुँजीलगायत सुविधा उपलब्ध गराइनेछ।

उत्पादित सामग्रीको बजार ग्यारेन्टी लिइने भएको छ। प्रधानमन्त्री कृषि कार्यक्रममार्फत युवालाई कृषि क्षेत्रमा अग्रसर हुन प्रोत्साहन गरिने नीति तथा कार्यक्रममा उल्लेख छ।

सरकारले आगामी वर्षको बजेटमा जेन–जी पुस्ताकेन्द्रित स्टार्टअप योजना ल्याउने भएको छ।

सबै उद्योगको बिजनेस प्लान र त्यसको इको सिस्टम निश्चित गरी जेनजी पुस्तालाई विशेष प्राथमिकतमा राखि युवाकेन्द्रित स्टार्टअप कार्यक्रम सुरु गरिने भएकाे छ। नीति कार्यक्रमलाई उद्यमशीलतामार्फत रोजगारी वृद्धिको नीति पनि सार्वजनिक गरिएको छ।

यस्तै उद्यमशीलता मैत्री शिक्षाको नीति अपनाई श्रम क्षेत्रमा रहेको शीपयुक्त श्रमशक्तिको अभाव र सीप नभएको जनशक्ति जगेडा रहने अवस्थाको अन्त्य गरिने भएकाे छ। यसका लागि हालको पाठ्यक्रम, सिकाइ र अध्यापन विधिमा व्यापक सुधार गरिनेछ।

प्रकाशित मिति: शुक्रबार, वैशाख १९, २०८२ १५:३०

प्रतिक्रिया दिनुहोस्