‘टेक एन्ड पे’ को व्यवस्था संशोधन हुन्छ: मन्त्री खड्का

पूर्वाधार

गृहपृष्ठ
पूर्वाधार

‘टेक एन्ड पे’ को व्यवस्था संशोधन हुन्छ: मन्त्री खड्का

क्यापिटल नेपालसोमबार, असार ९, २०८२

काठमाडौं। ऊर्जा जलस्रोत तथा सिँचाइमन्त्री दीपक खड्काले बजेटमा आएको 'टेक एन्ड पे' को व्यवस्था संशोधन हुने बताएका छन्।

आज बसेकाे संसद् बैठकमा ऊर्जा जलस्रोत तथा सिँचाइ मन्त्रालयको बजेटका विषयमा सांसदहरूले उठाएका प्रश्नको जवाफ दिने क्रममा टेक एन्ड पेको व्यवस्था संशोधन हुने बताएका हुन्।

उनले नेपाल विद्युत् प्राधिकरणको सुझावका आधारमा ऊर्जा मन्त्रालयले अर्थ मन्त्रालयमा गरेको पत्राचार अनुसार बजेटमा टेक एण्ड पेको व्यवस्था गरेको उल्लेख गरे।

उनले भने, ‘विद्युत प्राधिकरणबाट प्राप्त राय सुझाव समेतका आधारमा १० मेगावाटसम्म साना जलविद्युत आयोजनाका साथै विद्युत खपत वा निर्यात सुनिश्चित भएका ठूला रन अफ रिभर आयोजनाको पीपीए टेक अर पेका आधारमा गर्न उपयुक्त हुने भएकाले मन्त्रालयले संशोधन गरी अर्थ मन्त्रालयमा अनुरोध गरेर पठाएको बेहोरा अनुरोध जानकारी गराउँछु। यो बजेट वक्तव्यमा आएको छ।'

प्रकाशित मिति: सोमबार, असार ९, २०८२ १२:४०

प्रतिक्रिया दिनुहोस्