प्रत्येक नागरिकलाई खानेपानी पुर्‍याउन बजेट अभावः खानेपानी मन्त्री

पूर्वाधार

गृहपृष्ठ
पूर्वाधार

प्रत्येक नागरिकलाई खानेपानी पुर्‍याउन बजेट अभावः खानेपानी मन्त्री

क्यापिटल नेपालसोमबार, असार ९, २०८२

काठमाडौं। सरकारले प्रत्येक नागरिकलाई स्वच्छ खानेपानी उपलब्ध गराउने लक्ष्य लिए पनि बजेट अभाव हुँदा कार्यान्वयनमा नभएको खानेपानी मन्त्री प्रदीप यादवले बताएका छन्।

आज प्रतिनिधिसभा बैठकमा खानेपानी मन्त्रालय बजेट शीर्षक कार्यक्रमअन्तर्गत सांसदले सोधेका प्रश्नमा मन्त्री यादवले सरकारको लक्ष्य पूरा गर्न बजेट र जनशक्ति अभाव रहेको जानकारी दिएका हुन्।

उनले भने, ‘९० प्रतिशत जनसंख्यालाई स्वच्छ खानेपानी पुर्याउन बजेट र जनशक्ति अभाव छ। यसका लागि पर्याप्त बजेट चाहियो,’ मन्त्री यादवले भने। अहिलेसम्म ९८ प्रतिशत जनसंख्यालाई आधारभूत र २८ प्रतिशतलाई सुरक्षित खानेपानी पुगेको उनले तथ्यांक प्रस्तुत गरे।

पानीजन्य रोगबाट हुने बाल मृत्युदर घटेको, मानिसको सरदर आयु बढेको र पर्यावरणीय सुधार हुनुमा सरकारकै योगदान रहेको उनको भनाइ छ। सबैलाई शुद्ध खानेपानी उपलब्ध गराउन मन्त्रालय प्रतिबद्ध रहेको मन्त्री यादवले बताए।

बजेट अभावका कारण ढल प्रशोधन संघीय सरकारले मात्रै प्रचलनमा ल्याएको तथा प्रदेश र स्थानीय तहले ल्याउन नसकेको उनको धारणा छ। आगामी आवको बजेटमा मन्त्रालयलाई ३३ अर्ब ८९ करोड दिइएको छ।

प्रकाशित मिति: सोमबार, असार ९, २०८२ १३:५८

प्रतिक्रिया दिनुहोस्