मन्त्री चौधरीको निर्देशनमा त्रिपुरेश्वरस्थित बागमती स्वीट्समा अनुगमन, उत्पादन बिक्रीमा रोक

उद्योग

गृहपृष्ठ
उद्योग

मन्त्री चौधरीको निर्देशनमा त्रिपुरेश्वरस्थित बागमती स्वीट्समा अनुगमन, उत्पादन बिक्रीमा रोक

क्यापिटल नेपाल मंगलबार, वैशाख १, २०८३

काठमाडौं। कृषि तथा पशुपन्छी विकास र वन तथा वातावरणमन्त्री गिता चौधरीको निर्देशनमा काठमाडौँ–११, त्रिपुरेश्वरस्थित बागमती स्वीट्स प्रालिको अनुगमनपछि उत्पादन तथा बिक्री वितरणमा रोक लगाइएको छ।

गत चैत २९ गते सार्वजनिक कार्यक्रममा सो होटलले खाजा उपलब्ध गराएको थियो। ड्राइफ्रुट्समा कीरा भेटिएको गुनासो मन्त्री चौधरीकहाँ आएपछि तत्काल खाद्य प्रविधि तथा गुण नियन्त्रण विभागलाई अनुगमन गर्न निर्देशन दिएकी थिइन्।

निर्देशनअनुसार विभाग र जिल्ला प्रशासन कार्यालय काठमाडौँको संयुक्त टोलीले चैत ३० गते अनुगमन गर्दा सरसफाइ तथा गुणस्तरसम्बन्धी गम्भीर कमजोरी भेटिएको थियो। त्यसपछि प्रचलित कानुनअनुसार उत्पादन रोक्का गर्दै आवश्यक कारबाही प्रक्रिया अघि बढाइएको छ।

मन्त्री चौधरीले आमनागरिकको खाद्य स्वच्छताप्रति सरकार गम्भीर रहेको उल्लेख गर्दै कुनै पनि गुनासो आए कडा कारबाही गरिने स्पष्ट पारेकी छन्।

प्रकाशित मिति: मंगलबार, वैशाख १, २०८३ १७:१०

प्रतिक्रिया दिनुहोस्