शक्तिशाली सरकारले संसद् छलेर दुई अध्यादेश ल्याउँदै

राजनीति

गृहपृष्ठ
राजनीति

शक्तिशाली सरकारले संसद् छलेर दुई अध्यादेश ल्याउँदै

क्यापिटल नेपाल मंगलबार, वैशाख १५, २०८३

काठमाडौं। प्रधानमन्त्री बालेन्द्र शाह (बालेन) नेतृत्वको झण्डै दुई तिहाईको शक्तिशाली सरकारले संसद् छलेर दुई वटा अध्यादेश ल्याउने निर्णय गरेको छ। सोमबार बसेको मन्त्रिपरिषद् बैठकले दुई वटा अध्यादेश राष्ट्रपतिसमक्ष सिफारिश गरेको हो।

मन्त्रिपरिषद्ले संवैधानिक परिषद्सम्बन्धी र सहकारी समस्यासम्बन्धी अध्यादेश ल्याउने निर्णय गरेको हो। मन्त्रिपरिषद्को निर्णयअनुसार, दुवै अध्यादेश जारी गर्न राष्ट्रपतिसमक्ष सिफारिश गरिसकेको छ।

सरकारले पठाएका दुवै अध्यादेशलाई राष्ट्रपति पौडेलले अध्ययन गरिरहेको राष्ट्रपतिको कार्यालयले जनाएको छ। यसअघि वैशाख ८ गते बसेको मन्त्रिपरिषद् बैठकले संघीय संसद्का दुवै सदनको अधिवेशन आह्वान गर्न सिफारिस गरेको थियो। तर, वैशाख १० गते बसेको मन्त्रिपरिषद् बैठकले संसद् अधिवेशन स्थगित गर्ने निर्णय गरेको थियो।

मन्त्रिपरिषद्को सिफारिशका आधारमा राष्ट्रपति पौडेलले संसद् अधिवेशन स्थगित गरेसँगै सरकारले दुई अध्यादेश ल्याउने निर्णय गरेको हो। संसद् अधिवेशन स्थगनका लागि सिफारिश गरेको चार दिनपछि वैशाख १४ मा बसेको मन्त्रिपरिषद् बैठकले अध्यादेश ल्याउने निर्णय गरेको हो।

प्रकाशित मिति: मंगलबार, वैशाख १५, २०८३ १५:५०

प्रतिक्रिया दिनुहोस्