एन्फाका पूर्वअध्यक्ष कर्मा छिरिङ शेर्पा पक्राउ, ९ करोड ठगी आरोप

समाज

गृहपृष्ठ
समाज

एन्फाका पूर्वअध्यक्ष कर्मा छिरिङ शेर्पा पक्राउ, ९ करोड ठगी आरोप

क्यापिटल नेपाल शनिबार, असार १३, २०८३

काठमाडौं। नेपाल प्रहरीले अखिल नेपाल फुटबल संघ (एन्फा)का पूर्वअध्यक्ष कर्मा छिरिङ शेर्पालाई पक्राउ गरेको छ।

प्रहरीको केन्द्रीय अनुसन्धान ब्युरो (सीआईबी)को टोलीले ठगी तथा आपराधिक विश्वासघातसम्बन्धी कसुरमा अनुसन्धानका लागि शुक्रबार साँझ पक्राउ गरेको हो।

ब्यूरोका प्रवक्ता, प्रहरी वरिष्ठ उपरीक्षक (एसएसपी) अनुपमशमशेर जबराले हात्तीगौँडामा सञ्चालित टुंगराम इन्टरनेशनल एकेडेमीको आठ करोड ७८ लाख ३० हजार रकम अपचलन गरेर आरोपमा अनुसन्धानका लागि पक्राउ गरिएको जानकारी दिए।

विद्यालयको कार्यकारी प्रमुख भएर काम गर्दा शेर्पाले विभिन्न प्रपञ्च गरेर लाभ लिएको र विद्यालयलाई हानि पुर्याएको कसुरमा अनुसन्धान भइरहेको ब्यूरोले जनाएको छ।

शेर्पाले विद्यालयलाई अनुचित हानि गर्ने नियतले डर, त्रास र अनुचित प्रभावमा पारेर भक्तपुरको दधिकोटमा रहेको २९ रोपनी चार आना जग्गा आफ्नो स्वामित्वको कम्पनीमा बेचेको अनुसन्धानका क्रममा पाइएको बताएको छ।

प्रकाशित मिति: शनिबार, असार १३, २०८३ ०७:००

प्रतिक्रिया दिनुहोस्