सेयरधितो कर्जा ४/१२ करोडको विषयमा गभर्नरले मुख खोले, सोचेको भन्दा फरक परिणाम आयो

बैंकिङ

गृहपृष्ठ
बैंकिङ

सेयरधितो कर्जा ४/१२ करोडको विषयमा गभर्नरले मुख खोले, सोचेको भन्दा फरक परिणाम आयो

क्यापिटल नेपाल सोमबार, कात्तिक १५, २०७८

काठमाडौं । नेपाल राष्ट्र बैंकका गभर्नर महाप्रसाद अधिकारीले सेयरधितो कर्जामा लिएको नीतिले सोचेको भन्दा फरक परिणाम आएको बताएका छन् ।

जुन कुरा सोचेर सेयरधितो कर्जालाई ४ करोड र १२ करोड रुपैयाँको सीमा निर्धारण भएको थियो त्योभन्दा फरक परिणाम आएको उनले स्वीकारे । गभर्नर अधिकारीको यो भनाईले सेयरधितो कर्जामा केही संशोधन हुने संकेत गरेको छ । यद्यपि गभर्नर अधिकारीले यस विषयमा प्रष्ट पारेका छैनन् ।

नेपाल आर्थिक पत्रकार समाज (सेजन) ले सोमबार राजधानीमा आयोजना गरेको ‘गहिरिँदो तरलता अभाव, कारण र समाधान’ विषयक अन्तरक्रिया कार्यक्रममा बोल्दै गभर्नर अधिकारीले मौद्रिक नीतिबाट सेयरधितो कर्जामा लगाएको सीमाले बजारलाई गाह्रो पारेको बताए ।‘

‘सीमाले सेयर बजारलाई यति असर गर्ला भनेर सोचेका थिएनौं । सेयर बजारमा सर्वसाधारणको पनि वित्तीय पहुँच बढ्योस भनेर परिकल्पना गरेका थियौं । यसको परिमाण नकारात्मक आयो’, उनले भने ।

केन्द्रीय बैंकले मौद्रिक नीतिमार्फत प्रतिबैंक तथा वित्तीय संस्थाबाट ४ करोड र समग्र वित्तीय प्रणालीबाट १२ करोड रुपैयाँ मात्रै सेयर धितो कर्जा लिन पाउने बनाएपछि बजारमा असर परेको छ ।

प्रकाशित मिति: सोमबार, कात्तिक १५, २०७८ १४:२८

प्रतिक्रिया दिनुहोस्