योगी सरकारको महत्वकांक्षी बजेट पेस, महिलाको सुरक्षादेखि अन्तर्राष्ट्रिय क्रिकेट स्टेडियमसम्म

मुख्य समाचार

गृहपृष्ठ
मुख्य समाचार

योगी सरकारको महत्वकांक्षी बजेट पेस, महिलाको सुरक्षादेखि अन्तर्राष्ट्रिय क्रिकेट स्टेडियमसम्म

क्यापिटल नेपाल बिहीबार, जेठ १२, २०७९

भारत । उत्तर प्रदेशका मुख्यमन्त्री योगी आदित्यनाथ सरकारको दोस्रो कार्यकालको पहिलो बजेट बिहीबार विधानसभामा पेस भएको छ ।

वित्तमन्त्री सुरेशकुमार खन्नाले उक्त बजेट पेस गरेका हुन् ।

आर्थिक वर्ष २०२२÷०२३ का लागि ६ लाख १५ हजार ५१८ करोड ९७ लाख भारुको बजेट पेस भएको हो ।

बजेटमा मुख्यमन्त्री लघु सिँचाइ योजनाका लागि १ हजार करोडको व्यवस्था प्रस्तावित छ । यस्तै १५ हजार सोलर पम्प स्थापना र ६०.२० लाख क्विन्टल बीउ वितरण गरिने उल्लेख छ ।

यस्तै महिला उत्थानका लागि सूक्ष्म एवं लघु उद्योग क्षेत्रमा मिसन शक्ति कार्यक्रमअन्तर्गत महिलाहरुको सुरक्षा एवं सशक्तीकरण तथा कौशल विकासका लागि २० करोड भारु प्रस्ताव गरिएको छ ।

साथै बनारसमा अन्तर्राष्ट्रिय क्रिक्रेट स्टेडियम स्थापनार्थ जमिन खरिदका लागि ९५ करोड भारु विनियोजित छ ।

यस्तै विश्वविद्यालय निर्माणमा ७ सय करोड र विश्वविद्यालयका लागि भने ५० करोड भारु व्यवस्था गर्ने भनिएको छ ।

प्रकाशित मिति: बिहीबार, जेठ १२, २०७९ १४:०५

प्रतिक्रिया दिनुहोस्