एक करोड २५ लाख राजश्व संकलन

मुख्य समाचार

गृहपृष्ठ
मुख्य समाचार

एक करोड २५ लाख राजश्व संकलन

क्यापिटल नेपालबिहीबार, भदौ ९, २०७९

काठमाडौं । व्यास नगरपालिकाले एक महिनाका अवधिमा एक करोड २५ लाख ३२ हजार १ सय ४४ राजस्व संकलन गरेको छ । गत साउन मसान्तसम्मका अवधिमा आन्तरिक आयबाट उक्त राजस्व संकलन गरेको हो ।

नगरपालिकाले टोल फ्रि कल सेन्टर, नागरिक सहायता कक्ष, वडा कार्यालयमा यही भदौ १ गतेदेखि सञ्चालन गरिसकेको छ । आर्थिक ऐनले तोकेको दस्तुर बाहेक अन्य फोटोकपी, निवेदन दस्तुर लगायतका सेवा निःशुल्क प्रदान गर्ने निर्णय गरेको नगरपालिकाका सूचना प्रविधि अधिकृत विशाल पण्डितले जानकारी दिए ।

सो नगरपालिकाभित्र लिफ्टिङ खानेपानी योजना र सडक बत्तीमा स्थानीय उपभोक्ताबाट भुक्तानी भएको मासिक विद्युत् महसुलको विवरण वडा कार्यालयमार्फत हुने जनाइएको छ ।

गण्डकी प्रदेश सरकारबाट व्यास–१ स्थित निर्मल माध्यमिक विद्यालयको भवन र प्रयोगशाला निर्माण कार्यक्रमका लागि ३ करोड रूपैयाँ विनियोजन भएको छ। बोलपत्र प्रक्रियाबाट प्रारम्भ हुने योजनाको २०७९ पुस मसान्तभित्र सम्झौता गर्ने गरी प्रक्रिया अघि बढाउने , २०८० जेठ मसान्तभित्र योजनाको मूल्यांकन र भुक्तानीको व्यवस्था मिलाउने गरी कार्यतालिका बनाइएको छ ।

प्रकाशित मिति: बिहीबार, भदौ ९, २०७९ १३:१९

प्रतिक्रिया दिनुहोस्