आज फेरि बढ्यो सुनको मूल्य, तोलाको ६९ हजार ८ सय कायम

कर्पोरेट बजार

गृहपृष्ठ
कर्पोरेट बजार

आज फेरि बढ्यो सुनको मूल्य, तोलाको ६९ हजार ८ सय कायम

क्यापिटल नेपाल बुधबार, असोज १५, २०७६

काठमाडौं । असोज पहिलो सातादेखि निरन्तर रुपमा घटबढ हुँदै आएको सुनको मूल्य आज बुधबार वृद्धि भएको छ । नेपाल सुनचाँदी व्यवसायी महासङ्घका अनुसार आज छापावाला सुनको मूल्य प्रतितोला ६ सय रुपैयाँले वृद्धि भई प्रतितोला ६९ हजार ८ रुपैयाँ कायम भएको छ । मङगलबार छापावाला सुन प्रतितोला ६९ हजार २ सय रुपैयाँमा कारोबार भएको थियो ।

यस्तै तेजाबी सुनको मूल्य प्रतितोला ६९ हजार ५ सय रुपैयाँ पुगेको छ । मङ्गलबार तेजाबी सुन प्रतितोला ६८ हजार ९ सय रुपैयाँमा कारोबार भएको थियो ।

सुनसँगै चाँदीको मूल्यमा पनि सामान्य वृद्धि भएको छ । बजारमा चाँदीको मूल्य प्रतितोला १० रुपैयाँका दरले वृद्धि भएर ८ सय ३५ रुपैयाँ पुगेको महासङ्घले जनाएको छ ।

प्रकाशित मिति: बुधबार, असोज १५, २०७६ ११:२८

प्रतिक्रिया दिनुहोस्