बागमती प्रदेशमा ७० अंक ल्याए ट्रायल पास हुने व्यवस्था तत्काल लागू नहुने

मुख्य समाचार

गृहपृष्ठ
मुख्य समाचार

बागमती प्रदेशमा ७० अंक ल्याए ट्रायल पास हुने व्यवस्था तत्काल लागू नहुने

क्यापिटल नेपाल आइतबार, मंसिर १८, २०७९

काठमाडौं। आइतबारबाट बागमती प्रदेशमा सवारी चालक अनुमतिपत्र (ड्राइभिङ लाइसेन्स) का लागि ट्रायलमा ७० अंक ल्याए पास हुने व्यवस्था तत्काल लागू नहुने भएको छ।

यसअघि बागमती प्रदेशभित्र ट्रायलमा ७० अंक ल्याए पास हुने व्यवस्था मंसिर १८ गते आइतबारबाट लागू हुने प्रदेशअन्तर्गतको श्रम, यातायात तथा रोजगार मन्त्रालयले निर्णय गरेको थियो। आइतबारबाट लागू गर्न सबै तयारी पुरा भएको जनाएको मन्त्रालयले अन्तिम समयमा आएर सो व्यवस्था तत्कालका लागि लागू गर्न नसकिने जनाएको हो।

मन्त्रालयकाअनुसार जनशक्ति अभावले आवश्यक तयारी पूरा गर्न नसक्दा तत्कालका लागि प्रक्रिया रोकिएको हो। आवश्यक तयारी पूरा गर्न थप समय लाग्ने भएकाले केही समयका लागि उक्त व्यवस्था लागू गर्न नसकिने मन्त्रालयको भनाइ छ।

यो व्यवस्था लागू भएमा बागमती प्रदेशभित्र सवारी चालक अनुमतिपत्र पाउन परीक्षार्थीले प्रयोगात्मक परीक्षा (ट्रायल) मा कुल १०० मध्ये ७० अंक ल्याए पुग्छ।

त्यस्तै लिखित परीक्षामा ५० प्रतिशत ल्याए ट्रायल दिन पाइन्थ्यो भने यो व्यवस्था लागू हुँदा ६० प्रतिशत ल्याउनुपर्ने छ। यो व्यवस्था प्रदेश १, गण्डकी, लुम्बिनी र सुदूरपश्चिम प्रदेशमा लागू भइसकेको छ।

प्रकाशित मिति: आइतबार, मंसिर १८, २०७९ १६:००

प्रतिक्रिया दिनुहोस्