सुन प्रकरणमा डिएसपी केसी प्रकाउ, ३४ तोलाको पहेँलो धातु र पैसा बरामद

मुख्य समाचार

गृहपृष्ठ
मुख्य समाचार

सुन प्रकरणमा डिएसपी केसी प्रकाउ, ३४ तोलाको पहेँलो धातु र पैसा बरामद

क्यापिटल नेपाल सोमबार, पुस ११, २०७९

काठमाडाैं। नेपाल प्रहरीको केन्द्रीय अनुसन्धान ब्यूरो (सिआइवी) को टोलीले अवैध गतिविधि (सुन प्रकरण) मा संलग्न रहेको आरोपमा इलाका प्रहरी कार्यालय बुटवल रुपन्देहीका प्रहरी नायब उपरीक्षक (डिएसपी) ठगबहादुर केसीलाई पक्राउ गरेको छ।

ब्यूरोलाई प्राप्त सूचनाका आधारमा गएराति काठमाडौंबाट खटिएको टोलीले बुटबलका खिलेन्द्र सिंह जिसीलाई रुपन्देहीको कालिकानगरस्थित महाराजा रिसोर्टको क्याबिनमा नौ लाख ५० हजार रूपयाँ रकमको चेक र उनको झोलामा सुन जस्तो देखिने ३४ तोला २१ लालको पहेँलो धातुसहित पक्राउ गरेको थियो।

त्यसपछि उनीसँग गरिएको अनुसन्धानका क्रममा स्थानीय व्यवसायी किसन विक र इप्रका बुटबलका प्रमुख प्रहरी नायब उपरीक्षक केसीको आपसी सम्बन्ध रहेको खुलेपछि डिएसपी केसीको निवास लक्ष्मीनगरमा पुगेर उनलाई पक्राउ गरिएको सिआइवीका प्रवक्ता प्रहरी उपरीक्षक कमल थापाले जानकारी दिए।

उनको घरमा खानतलासी गर्दा नगद आठ लाख ५० हजार रूपैयाँ फेला पारी बरामद गरिएको पनि उनले बताए। बरामद भएको रकम, सुन जस्तो देखिने पहेँलो धातु र ठगबहादुर केसी र खिलेन्द्र सिंह जिसीलाई आवश्यक कारबाहीका लागि जिल्ला प्रहरी कार्यालय रुपन्देहीमा बुझाइएको पनि उनले जानकारी दिए। प्रहरीका अनुसार उनले व्यापारीसँग सुन नियन्त्रणमा लिएर आफैँ राखेको र सुन फिर्ताका लागि पैसा लिएको आरोप छ।

प्रकाशित मिति: सोमबार, पुस ११, २०७९ २१:४९

प्रतिक्रिया दिनुहोस्