ओखलढुंगामा बोलेरो दुर्घटनामा दुईको मृत्यु, ११ घाइते

समाज

गृहपृष्ठ
समाज

ओखलढुंगामा बोलेरो दुर्घटनामा दुईको मृत्यु, ११ घाइते

क्यापिटल नेपालआइतबार, फागुन २१, २०७९

ओखलढुंगा। ओखलढुंगामा सवारी दुर्घटना हुँदा दुई जनाको मृत्यु भएको छ। चिशङ्खुगढी गाउँपालिकाबाट ओखलढुङ्गाको सदरमुकाम जाँदै गरेको बोलेरो जिप वडा नं। ३ दियालेको राहुटारनजिकै दुर्घटना भएको हो।

दुर्घटनामा परी चिशङ्खुगढी–३ का ७० वर्षीय भक्तबहादुर थापा र ५२ वर्षीय मीनबहादुर श्रेष्ठको मृत्यु भएको ओखलढुङ्गाका प्रमुख प्रहरी नायब उपनिरीक्षक दीपक केसीले जानकारी दिए। दुर्घटनामा परी ११ घाइते भएका छन्।

तीमध्ये केहीलाई उपचारका लागि हेलिकप्टरमार्फत काठमाडौं पठाइएको चिशङ्खुगढी गाउँपालिकाका अध्यक्ष निशान्त शर्माले बताए। घाइतेमध्ये तीन जनाको अवस्था गम्भीर छ।

पाँच जना यात्रु बोक्ने क्षमता भएको बोलेरोमा १३ सवार थिए। क्षमताभन्दा बढी यात्रु बोकेका कारण बालेरो अनियन्त्रित भइ दुर्घटना भएको हुनसक्ने प्रहरीको प्रारम्भिक अनुमान छ। घटनाको विस्तृत जानकारी आउन बाँकी छ ।

प्रकाशित मिति: आइतबार, फागुन २१, २०७९ ११:३३

प्रतिक्रिया दिनुहोस्