वानएक्स बेटबाहेक अनलाइन गेमिङ/क्यासिनोमा सट्टाबाजी खेलाउने ४ पक्राउ

समाज

गृहपृष्ठ
समाज

वानएक्स बेटबाहेक अनलाइन गेमिङ/क्यासिनोमा सट्टाबाजी खेलाउने ४ पक्राउ

क्यापिटल नेपाल सोमबार, असार ११, २०८०

काठमाडौं। उपत्यका अपराध अनुसन्धान कार्यालयले वानएक्स बेटबाहेक अनलाइन गेमिङ/अनलाइन क्यासिनो गेममा अनलाइनमार्फ बाजी राख्न लगाई सट्टाबाजी गराइ खेल खेलाउने चारजनालाई पक्राउ गरेको छ।

उक्त कार्यमा संलग्न भएको गोप्य सूचनाका आधारमा उपत्यकाका विभिन्न ठाँउमा बसोबास गर्ने राजा चौधरीलगायत व्यक्तिको निगरानी गरी आइतबार बेलुका अपराध अनुसन्धान कार्यालयले पक्राउ गरेको हो।

पक्राउ पर्नेमा बारा जितपुर सिमरा उपमहानगरपालिका-९ घर भई हाल कलंकी बस्ने २४ वर्षीय राजा चौधरी र सिमरा उपमहानगपालिका-८ घर भई हाल कलंकी बस्ने २५ वर्षीय छोरा विवेक चौधरी छन्।

त्यस्तै ठमेल बस्ने २५ वर्षीय रितेन्द्र प्रधान र नवलपरासी त्रिवेणी सुस्ता गाउँपालिका-२ कुरिया घर भई हाल ठमेल बस्ने २४ वर्षीया आशा गुरुङ पक्राउ परेका छन्। हाल उनीहरूलाई आवाश्यक कारबाहीका लागि जिल्ला प्रहरी परिसर टेकु पठाइएको छ।

यसअघि वानएक्स बेट खेलाउने गिरोहलाई सघाएको आरोपमा कलाकार तथा युट्युबरहरू मरिचमान श्रेष्ठ (बल्छी धुर्बे), राजु पौडेल (राजु मास्टर), पवन खतिवडा (म्याकुरी) एलिस राई, जलन घर्तिमगर (जलन), गणेश देवकोटा (गणेश जीडी), सरोज घिमिरे (ढेडु बुढो) र बेगम नेपाली (भटभटे माइला), युट्युबर राजकुमार थापा भनिने राजकुमार तामाङ पक्राउ परिसकेका छन्।

355056664_3472088563071186_3418524103452520754_n1687783883.jpg