बबई नदीमा दाउरा संकलन गर्ने क्रममा डुबेर तीन बेपत्ता

समाज

गृहपृष्ठ
समाज

बबई नदीमा दाउरा संकलन गर्ने क्रममा डुबेर तीन बेपत्ता

क्यापिटल नेपालआइतबार, साउन २८, २०८०

बर्दिया। बबई नदीमा दाउरा संकल गर्ने क्रममा तीन युवक छुट्टाछुट्टै स्थानबाट डुबेर बेपत्ता भएका छन्।

बगेर बेपत्ता हुनेमा गुलरिया–१२ भैसाहीका ३० वर्षीय बालकृष्ण थारु, गुलरिया–२ का अक्षय चौधरी र महेश चौधरी रहेको जिल्ला प्रहरी कार्यालय बर्दियाका प्रहरी नायब उपरीक्षक हिक्मतबहादुर बोहराले जानकारी दिए।

बेपत्ताको खोजी कार्य जारी रहेको जिल्ला प्रशासन कार्यालय बर्दियाका सहायक प्रमुख जिल्ला अधिकारी मोहनप्रसाद अर्यालले जानकारी दिए।

पैनीमा डुबेको अवस्थामा शव फेला

मोरङको सुन्दरहरैँचा–१२ मा एक भारतीय युवकको शव शंकाष्पद अवस्थामा भेटिएको छ।

भारतको उत्तर प्रदेश घर भएका २४ वर्षीय साजिक खानको शव आज पैनीमा डुबिरहेको अवस्थामा फेला परेको प्रहरीले जनाएको छ। घटनास्थल र शवको प्रकृति हेर्दा खानको हत्या भएको हुनसक्ने आशंका प्रहरीले गरेको छ।

खानको निधार, मुखलगायत शरीरका विभिन्न भागमा चोट रहेको अवस्थामा शव भेटिएको इलाका प्रहरी कार्यालय पथरीका प्रहरी नायब उपरीक्षक लक्ष्मी भण्डारीले जानकारी दिए।

उनले घटनास्थलबाट उठाएर शवलाई परीक्षणका लागि बिपी कोइराला स्वास्थ्य विज्ञान प्रतिष्ठान धरान लगिएको उल्लेख गरे। प्रहरीले घटनाको थप अनुसन्धान सुरु गरेको उल्लेख गरेको छ।

प्रकाशित मिति: आइतबार, साउन २८, २०८० १९:०३

प्रतिक्रिया दिनुहोस्