कित्ताकाट खुल्दा पनि किन घट्यो घरजग्गाको कारोबार?

कर्पोरेट बजार

गृहपृष्ठ
कर्पोरेट बजार

कित्ताकाट खुल्दा पनि किन घट्यो घरजग्गाको कारोबार?

क्यापिटल नेपाल बुधबार, मंसिर १३, २०८०

काठमाडौं। गत साउन ३० गतेको मन्त्रीपरिषद बैठकले जग्गाको कित्ताकाट खुलाउने निणर्य गर्यो। समग्र अर्थतन्त्रमै समस्या आएपछि सरकारले भू–उपयोग नियमावली २०७९ संशोधन गरी उक्त व्यवस्था गरेको हो। कित्ताकाट खुलेसँगैं चम्किएको घरजग्गा कारोबार कात्तिकमा भने ओरालो लागेको छ।

भूमि व्यवस्था तथा अभिलेख विभागका अनुसार कात्तिकमा २६ हजार ४६ वटा मात्र जग्गाको कारोबार भयो। जबकि असोजमा ३९ हजार ८ सय ८१ वटा कारोबार भएको थियो। यो असोजमा भन्दा ३४.७ प्रतिशत कम हो।

त्यस्तै यस महिना गत वर्षको कात्तिकमा भएको कारोबारमा भन्दा ६.८ प्रतिशत गिरावट आएको छ। गत वर्ष कात्तिकमा २७ हजार ९ सय ३९ वटा घरजग्गाको कारोबार भएको थियो।

यो महिना धेरै बिदा परेको कारण जग्गाको कारोबार नेपाल जग्गा तथा आवास विकास महासंघका अध्यक्ष भेषराज लोहनीले बताए।

‘अहिले त्यस्तो कुनै नीतिगत समस्याले कारोबार कम भएको होइन। यसपाली दसैं र तिहार कात्तिकमै पर्यो। धेरै दिन बिदा थियो। त्यसकारण कारोबारमा कमी आएको हो,’ उनले क्यापिटल नेपालसँग भने।

मंसिरमा कारोबारको संङ्ख्या बढ्ने उनको अनुमान छ।

प्रकाशित मिति: बुधबार, मंसिर १३, २०८० १४:२१