नेपाल इन्भेस्टमेन्ट मेगा बैंकको साधारणसभा, ३ अर्ब ७२ करोड मुनाफा आर्जन

कर्पोरेट बजार

गृहपृष्ठ
कर्पोरेट बजार

नेपाल इन्भेस्टमेन्ट मेगा बैंकको साधारणसभा, ३ अर्ब ७२ करोड मुनाफा आर्जन

क्यापिटल नेपाल मंगलबार, चैत २०, २०८०

काठमाडौं। नेपाल इन्भेस्टमेन्ट मेगा बैंकको आर्थिक वर्ष २०७९/८० को ३७औं वार्षिक साधारणसभा सम्पन्न भएको छ।साधारणसभामा बैंकले आर्थिक वर्ष २०७९/८० मा ३ अर्ब ७२ करोड रुपैयाँ खुद मुनाफा आर्जन गर्न सफल भएको जानकारी दिइएको छ।

२०७९ पुस २७ देखि साविक मेगा बैंक नेपासँग मर्जरका कारणले आय/व्ययका रकम अघिल्लो वर्षसँग तुलनात्मक नरहेको बैंकले बताएको छ। आर्थिक वर्ष २०७८/०७९ मा साविक नेपाल इन्भेस्टमेन्ट बैंक र मेगा बैंक नेपालको गरी कुल निक्षेप ३ खर्ब ४३ अर्ब रुपैयाँ रहेकामा १६ अर्ब ९७ करोडले वृद्घि भई आर्थिक वर्ष २०७९/८० अन्त्यमा निक्षेप ३ खर्ब ६० अर्ब रुपैयाँ पुगेको छ।

त्यसैगरी आर्थिक वर्ष २०७९/८० को अन्त्यमा बैंकको कुल कर्जा तथा सापटी रकम ३ खर्ब १२ अर्ब रुपैयाँ कायम रहेको छ। अघिल्लो आर्थिक वर्ष अन्त्यमा साविक नेपाल इन्भेस्टमेन्ट बैंक र मेगा बैंक नेपालको गरी कुल कर्जा तथा सापटी रकम ३ खर्ब १४ अर्ब थियो।

साविक नेपाल इन्भेस्टमेन्ट बैंक र मेगा बैंक नेपाल एकआपसमा गाभिई २०७९ पुस २७ बाट नेपाल इन्भेस्टमेन्ट मेगा बैंक लिमिटेडको नाममा एकीकृत कारोबार सञ्चालन गरेको थियो। मर्जरपछि बैंकको चुक्ता पुँँजी ३४ अर्ब १३ करोड र कुल सेयरधनी कोश ५५ अर्ब ६० करोड रुपैयाँ पुगेको छ।

हाल बैंकले २७० शाखा, २६७ एटिएम, १६ राजस्व संकलन काउन्टरसहित ६३ एक्टेन्सन काउन्टर र ४६ शाखारहित इकाइबाट बैंकिङ सेवा दिँदै आएको छ। बैंकले सर्वाेच्च अदालतको निर्णयलार्ई अनुपालन गर्दै सञ्चालकको निर्वाचन हाललाई स्थगित गरेको र साधारणसभामा प्रस्तुत अन्य सम्पूर्ण एजेन्डा स्वीकृत/अनुमोदन भएको जनाएको छ।

प्रकाशित मिति: मंगलबार, चैत २०, २०८० १९:२४

प्रतिक्रिया दिनुहोस्