जौ सातु र सर्वत खाएर मनाइँदै अक्षय तृतीया (फोटो फिचर)

फोटो फिचर

गृहपृष्ठ
फोटो फिचर

जौ सातु र सर्वत खाएर मनाइँदै अक्षय तृतीया (फोटो फिचर)

क्यापिटल नेपाल शुक्रबार, वैशाख २८, २०८१

तस्बिरः नेपाल फोटो लाइब्रेरी
आज वैशाख शुक्ल तृतीया अर्थात् अक्षय तृतीया। वसन्त ऋतुको उष्णतामा शरीरलाई स्वस्थ राख्न प्राचीनकालदेखि खाने गरिएको जौको सातु र सर्वत पानी दान गरी यो पर्व मनाइँदै छ। शरीर स्वास्थ्यका लागि उपयोगी रहेकाले सर्वत र जौको सातु खाने पर्वको रुपमा हरेक वर्ष यो पर्व मनाउने गरिन्छ। आज विष्णु र लक्ष्मीको पूजा गर्नुका साथै सातु र सर्वत दान गरे शुभ फल मिल्ने धार्मिक विश्वास छ। धर्मशास्त्रअनुसार वैशाख तृतीयाकै दिनदेखि त्रेता युगको सुरुआत भएको तथा यही दिन भगवान् परशुरामको जन्म भएको मानिन्छ। त्यसैले आजको दिनलाई परशुराम जयन्तीको रूपमा पनि मनाइन्छ। यही दिन शिव–पार्वतीको विवाह भएको पनि मानिन्छ। त्यसैले आज गरेको स्नान, दान र शुभ कर्मको विशेष महत्त्व छ। शंख विनायक महिला जागरण समूहले अक्षय तृतीया अवसर पारेर काठमाडौंको शंखमूल चोकमा सातु र सर्वत बाँढ्दै गरेको दृश्य।