केयू, पीयू र टीयूमा हुवावे ‘सिड्स फर फ्युचर’ रोड सो

कर्पोरेट बजार

गृहपृष्ठ
कर्पोरेट बजार

केयू, पीयू र टीयूमा हुवावे ‘सिड्स फर फ्युचर’ रोड सो

क्यापिटल नेपालशुक्रबार, जेठ २५, २०८१

काठमाडौं। मोबाइल ब्रान्ड हुवावेले नेपालका तीन विश्वविद्यालयबाट सम्बन्धन कलेजमा ‘सिड्स फर फ्युचर’ रोड सो सम्पन्न गरेको छ। रोड सोले विद्यार्थीलाई ‘सिड्स फर द फ्युचर’ कार्यक्रम नेपाललगायत विश्वभर कसरी गरिन्छ भन्नेबारे जानकारी गराएको थियो।

कार्यक्रममा प्राध्यापक, विभाग प्रमुख र विभिन्न संकायका विद्यार्थी सहभागी थिए। नेपालमा आईसीटी इकोसिस्टमलाई प्रवर्द्धन गर्ने उद्देश्यले ‘सिड्स फर द फ्युचर नेपाल’ कार्यक्रमसँगै हुवावेले विद्यार्थीलाई विभिन्न मञ्च उपलब्ध गराउन र यसका उद्देश्यसँग उनीहरूको संलग्नता अभिवृद्धि गर्न रोड सो सुरु गरेको हो ।

जेठ २२ मा काठमाडौं विश्वविद्यालयबाट सुरु भएको रोड सो जेठ २३ मा नेसनल कलेज अफ इन्फर्मेसन टेक्नोलोजी हुँदै जेठ २३ मा त्रिभुवन विश्वविद्यालयमा समापन भएको थियो।

जेठ २७ मा तोकिएको ‘सिड्स फर फ्युचर’ का लागि आवेदन दिने अन्तिम म्यादसँगै विद्यार्थीलाई आवेदन दिन प्रोफेसर र सिड्सका पूर्वछात्रले प्रोत्साहित गरेका थिए।

उक्त अवसरमा ‘सिड्स फर फ्युचर’ कार्यक्रमका पूर्वविद्यार्थीले विभिन्न कार्यक्रममा उपस्थित भई आवेदन प्रक्रिया, छनोट मापदण्डलगायतबारे अनुभव साटासाट गरेका थिए।

प्रकाशित मिति: शुक्रबार, जेठ २५, २०८१ ११:१७

प्रतिक्रिया दिनुहोस्