विराटनगरमा सरकारी गाडीमा आगजनी

समाज

गृहपृष्ठ
समाज

विराटनगरमा सरकारी गाडीमा आगजनी

क्यापिटल नेपाल आइतबार, जेठ २७, २०८१

विराटनगर । मोरङको विराटनगरमा विद्यार्थीले सरकारी गाडीमा आगजनी गरेका छन्।

रंगेलीमा ६ जना विद्यार्थी पक्राउ परेको विरोधमा शुक्रबारदेखि आन्दोलनरत विद्यार्थीले आइतबार बिहान महेन्द्र मोरङ आदर्श बहुमुखी क्याम्पस अगाडि सरकारी गाडीमा आगजनी गरेका हुन्।

रंगेली नगरपालिकाका कार्यवाहक मेयर र प्रमुख प्रशासकीय अधिकृतलाई दुर्व्यवहार गरेको आरोपमा पक्राउ परेका विद्यार्थीको रिहाइको माग गर्दै विद्यार्थीले प्रदर्शनमा उत्रिएका छन्। प्रहरीले ६ जना विद्यार्थीलाई पक्राउ गरेको छ।

प्रदर्शनरत विद्यार्थीले को१झ ६४४ नम्बरको स्कारपीयो गाडी जलाएको प्रहरीले जनाएको छ। विद्यार्थीले अन्य ५ वटा सरकारी गाडीमा पनि तोडफोड गरेको प्रहरीको भनाइ छ।

निजी विद्यालयले आफूखुसी कानुन विपरीत शुल्क लिइरहेको तथा शिक्षक छनोटमा मनपरी गर्दै आफ्ना मान्छेलाई नियुक्ति दिलाएको भन्दै जेष्ठ १३ गते नगरपालिकाको कार्यालयमा विद्यार्थीहरू ज्ञापन पत्र बुझाउन गएका थिए। त्यस क्रममा उनीहरूले दुर्व्यवहार गरेको प्रहरीले जनाएको छ।

पक्राउ पर्ने विद्यार्थीहरूमा रंगेली–६ का २३ वर्षीय दीपक यादव, २० वर्षीय राहुल यादव, रुकुम यादव, रंगेली–७ का १८ वर्षीय रमणकुमार राय, रंगेली–८ का १९ वर्षीय विषेक झा र रंगेली–२ का मिलन मिश्र रहेका छन्।

प्रकाशित मिति: आइतबार, जेठ २७, २०८१ ११:५४

प्रतिक्रिया दिनुहोस्