रास्वपाका नवनिर्वाचित पदाधिकारी र केन्द्रीय सदस्यले आज शपथ लिने

राजनीति

गृहपृष्ठ
राजनीति

रास्वपाका नवनिर्वाचित पदाधिकारी र केन्द्रीय सदस्यले आज शपथ लिने

क्यापिटल नेपाल बुधबार, असार १७, २०८३

काठमाडौँ। राष्ट्रिय स्वतन्त्र पार्टी (रास्वपा)का हालै निर्वाचित पदाधिकारी तथा केन्द्रीय सदस्यहरूको शपथ ग्रहण कार्यक्रम आज हुँदैछ। पार्टीका महामन्त्री विपिन आचार्यका अनुसार चितवनमा सम्पन्न पहिलो महाधिवेशनबाट निर्वाचित ६ पदाधिकारी र ९९ केन्द्रीय सदस्यलाई आज बिहान ११ बजे घण्टीघरस्थित केन्द्रीय कार्यालयमा शपथ गराइने कार्यक्रम तय गरिएको हो।

शपथ ग्रहणपछि केन्द्रीय समितिको बैठक बस्ने तयारी पनि गरिएको छ। बैठकमा पार्टीका मनोनीत पदाधिकारी तथा सदस्यहरूको चयन र संगठन विस्तारसँग सम्बन्धित विषयमा छलफल हुने जनाइएको छ।

रास्वपाको पहिलो महाधिवेशन गत असार ७ देखि १२ गतेसम्म चितवनको भरतपुरमा सम्पन्न भएको थियो। महाधिवेशनबाट पार्टी सभापतिमा रवि लामिछाने निर्विरोध निर्वाचित भएका थिए। सभापति लामिछानेले भने महाधिवेशनकै क्रममा भरतपुरमा शपथ ग्रहण गरिसकेका छन्।

प्रकाशित मिति: बुधबार, असार १७, २०८३ ०८:२६

प्रतिक्रिया दिनुहोस्