भौतिक पूर्वाधारमन्त्रीसँग भारतीय राजदूत श्रीवास्तवको भेट, नेपाल–भारत रेलमार्गबारे छलफल

पूर्वाधार

गृहपृष्ठ
पूर्वाधार

भौतिक पूर्वाधारमन्त्रीसँग भारतीय राजदूत श्रीवास्तवको भेट, नेपाल–भारत रेलमार्गबारे छलफल

क्यापिटल नेपालबिहीबार, माघ २४, २०८१

काठमाडौं। नेपालका लागि भारतीय राजदूत नवीन श्रीवास्तवले भौतिक पूर्वाधार तथा यातायातमन्त्री देवेन्द्र दाहालसँग शिष्टाचार भेट गरेका छन्। भेटवार्तामा द्विपक्षीय हितका विषयमा कुराकानी भएको भौतिक मन्त्रालयले जनाएको छ।

भेटमा राजदूत श्रीवास्तवले नेपाल–भारत रेल मार्गबारे चर्चा गरेका थिए। उनले रेल सेवा सञ्चालन तथा व्यवस्थापनका लागि आवश्यक जनशक्तिलाई तालिम तथा प्रशिक्षण उपलव्ध गराउन भारत तयार रहेको उल्लेख गरे।

मन्त्री दाहालले नेपालको रेलवे तथा विकासका अन्य क्षेत्रमा भारतले पुर्याएको योगदानको प्रशंसा गरे। आगामी दिनमा दुई देशबीचको सम्बन्ध थप प्रगाढ बन्ने समते उनले उल्लेख गरे।

भेटमा सचिव केशवकुमार शर्माले मन्त्रालयसँग सरोकार राख्ने विषयमा दुई देशका अधिकारीबीच छिट्टै बैठक बस्ने विश्वास व्यक्त गरे।

भेटमा रेल विभागका महानिर्देशक अजयकुमार मुल, सडक विभागका महानिर्देशक रामहरि पोखरेल, विकास सहायता समन्वय तथा गुणस्तर महाशाखाका प्रमुख सुशीलबाबु ढकाल, अन्य सहसचिवलगायतका अधिकारी सहभागी थिए।

प्रकाशित मिति: बिहीबार, माघ २४, २०८१ १२:४६

प्रतिक्रिया दिनुहोस्