राष्ट्रियसभाबाट यी पाँच वटा विधेयक बहुमतले पारित

राजनीति

गृहपृष्ठ
राजनीति

राष्ट्रियसभाबाट यी पाँच वटा विधेयक बहुमतले पारित

क्यापिटल नेपाल सोमबार, चैत १८, २०८१

काठमाडौं। राष्ट्रियसभाले पाँच वटा प्रतिस्थापन विधेयक बहुमतले पारित गरेको छ। आजको बैठकमा सभाका अध्यक्ष नारायणप्रसाद दाहालले सबै विधेयक बहुमतले पारित भएको जानकारी दिएका हुन्।

‘सुशासन प्रवर्द्धन तथा सार्वजनिक सेवा प्रवाहसम्बन्धी केही नेपाल ऐनलाई संशोधन गर्ने विधेयक, २०८१’, ‘सहकारीसम्बन्धी केही नेपाल ऐनलाई संशोधन गर्ने विधेयक, २०८१’, ‘आर्थिक कार्यविधि तथा वित्तीय उत्तरदायित्व (पहिलो संशोधन) विधेयक, २०८१’ तथा ‘निजीकरण (पहिलो संशोधन) विधेयक, २०८१’ र ‘आर्थिक तथा व्यावसायिक वातावरण सुधार र लगानी अभिवृद्धिसम्बन्धी केही नेपाल ऐनलाई संशोधन गर्ने विधेयक, २०८१’ पारित गरिएको हो।

राष्ट्रियसभामा संशोधनसहित दफावार छलफलपछि विधेयक पारित गरिएको हो। सभाबाट पारित विधेयक सन्देशसहित प्रतिनिधिसभामा पठाइने छ।

प्रकाशित मिति: सोमबार, चैत १८, २०८१ १७:१३

प्रतिक्रिया दिनुहोस्