बिमस्टेक बैठकमा भाग लिन थाइल्यान्ड उडे प्रधानमन्त्री, सदस्य मुलुकका समकक्षीसँग ‘साइडलाइन’ वार्ता गर्ने

राजनीति

गृहपृष्ठ
राजनीति

बिमस्टेक बैठकमा भाग लिन थाइल्यान्ड उडे प्रधानमन्त्री, सदस्य मुलुकका समकक्षीसँग ‘साइडलाइन’ वार्ता गर्ने

क्यापिटल नेपालमंगलबार, चैत १९, २०८१

तस्बिर, नेपाल फाेटाे लाइब्रेरी

काठमाडौं। बहुक्षेत्रीय प्राविधिक तथा आर्थिक सहयोगका लागि बंगालको खाडीको प्रयास (बिमस्टेक)को छैटौं शिखर सम्मेलनमा सहभागी हुन प्रधानमन्त्री केपी शर्मा ओली थाइल्यान्ड उडेका छन्।

बिमस्टेक सम्मेलनसँगै पहिलो पटक प्रधानमन्त्री स्तरीय भ्रमणसमेत थाइल्यान्डमा हुने परराष्ट्र मन्त्रालयले जनाएको छ।
पाँच दिने भ्रमणमा रहँदा प्रधानमन्त्री ओलीले थाइल्यान्डका समकक्षी फेथोङथान सिनावात (पैटोङ्टार्न शिनावात्रा)सँग औपचारिक भेट गर्नेछन्।

आज प्रधानमन्त्री ओली थाइल्यान्डकी समकक्षी सिनावात्राको निमन्त्रणामा औपचारिक भ्रमणका लागि थाइल्यान्ड गएका हुन्।
प्रधानमन्त्रीले बैंककमा हुने छैटौं शिखर सम्मेलनमा भाग लिनेछन्। कूटनीतिक सम्बन्ध स्थापनाको ६५ वर्षपछि नेपालको प्रधानमन्त्रीको पहिलो पटक थाइल्यान्डको औपचारिक भ्रमण भएको हो।

भ्रमण अवसरमा पर्यटन र संस्कृतिका सन्दर्भमा दुुई समझदारीपत्रमा हस्ताक्षर हुनेछ। दुई प्रधानमन्त्रीको उपस्थितिमा गैरसरकारी क्षेत्रबीच ६ समझदारी पत्रमा हस्ताक्षर हुनेछ।

प्रधानमन्त्री ओलीले बिस्टेक शिखर सम्मेलनलाई चैत २२ गते गर्नेछन्। सम्बोधनलगत्तै बाँकी मुलुकका नेताहरूसँग सम्भव भएसम्म साइडलाइन वार्ता गर्ने कार्यतालिका रहेको परराष्ट्रले जनाएको छ।

प्रकाशित मिति: मंगलबार, चैत १९, २०८१ १४:२६

प्रतिक्रिया दिनुहोस्