प्रतिनिधिसभामा प्रधानमन्त्रीसँग प्रश्नोत्तर कार्यसूची

राजनीति

गृहपृष्ठ
राजनीति

प्रतिनिधिसभामा प्रधानमन्त्रीसँग प्रश्नोत्तर कार्यसूची

क्यापिटल नेपालमंगलबार, जेठ ६, २०८२

काठमाडौं। प्रतिनिधिसभाको बैठक मंगलबार बिहान ११ बजेका लागि बोलाइएको संसद् सचिवालयले जनाएको छ।

संघीय संसद् भवन नयाँ बानेश्वरमा बस्ने बैठकमा प्रधानमन्त्री केपी शर्मा ओलीले प्रतिनिधिसभा नियमावली, २०७९ को परिच्छेद–९ बमोजिम सांसदहरूले सोधेको प्रश्नको जवाफ दिने कार्यसूच तय भएको छ।

प्रधानमन्त्रीसँग प्रश्नोत्तर गर्ने सांसदहरुको नाम सचिवालयले टिपाएर सभामुख देवराज घिमिरेलाई बुझाइसकेको छ।

आज पूर्वाधार विकास समितिका सभापति दीपकबहादुर सिंहले ‘पूर्वाधार विकास समितिको वार्षिक प्रतिवेदन, २०८१’ पेस गर्ने सम्भावित कार्यसूची रहेको संघीय संसद् सचिवालयका महासचिव पद्यप्रसाद पाण्डेयले जानकारी दिए।

भूमि व्यवस्था तथा गरिबी निवारणमन्त्री बलराम अधिकारीले ‘भूमिसम्बन्धी केही नेपाल ऐनलाई संशोधन गर्ने विधेयक, २०८२ माथि विचार गरियोस्’ भन्ने प्रस्ताव प्रस्तुत गर्नेछन्।

प्रकाशित मिति: मंगलबार, जेठ ६, २०८२ ०६:३३

प्रतिक्रिया दिनुहोस्