निजामती सेवाको कुलिङ पिरियडको प्रावधानबाट समिति पछि नहट्ने, कर्मचारी लबिङ गर्दै

राजनीति

गृहपृष्ठ
राजनीति

निजामती सेवाको कुलिङ पिरियडको प्रावधानबाट समिति पछि नहट्ने, कर्मचारी लबिङ गर्दै

क्यापिटल नेपालबिहीबार, जेठ ८, २०८२

काठमाडौं। प्रतिनिधि सभाअन्तर्गतको राज्य व्यवस्था तथा सुशासन समितिका सभापति रामहरि खतिवडाले निजामती सेवा विधेयकमा उल्लेख कुलिङ पिरियडको प्रावधानबाट पछि नहट्ने बताएका छन्।

सिंहदरबारमा बिहीबार सञ्चारकर्मीसँग कुरा गर्दै सभापति खतिवडाले छलफल र विज्ञहरूसँग परामर्श गरी विधेयक पारित गरेको बताउँदै कुलिङ पिरियडको प्रावधानबाट समिति पछि हट्न वा संशोधन नगर्नेमा स्पष्ट भएको बताएका हुन्।

अहिले निजामती कर्मचारीहरू पदबाट अवकाश पाएसँगै अर्को कुनै निकायमा नियुक्त हुँदै आएका थिए। यसले स्वार्थको द्वन्द देखिने भएकाले कुलिङ पिरियडको प्रावधान ल्याएको उनको भनाइ थियो।

सभापति खतिवडाले कुलिङ पिरियडबारे मुख्यसचिवसँगै सचिवहरूले देखाएको चासो सही नभएको दाबी गरे। समितिले पारित गरेको विधेयकलाई छिटो सदनमा लैजाने तयारी भइरहेको उनको भनाइ थियो।

यता, कुलिङ पिरियडको प्रावधान हटाउनुपर्ने माग राख्दै वरिष्ठ कर्मचारीहरू प्रतिनिधिसभाका सभामुख र अध्यक्षसँग भेट गरी छलफल गरेका थिए।

प्रकाशित मिति: बिहीबार, जेठ ८, २०८२ १७:०७

प्रतिक्रिया दिनुहोस्