वडा कार्यालय बनाउन स्थानीयले गरे जग्गादान, लामाे समयपछि आफ्नै भवनबाट सेवा सुरू

पूर्वाधार

गृहपृष्ठ
पूर्वाधार

वडा कार्यालय बनाउन स्थानीयले गरे जग्गादान, लामाे समयपछि आफ्नै भवनबाट सेवा सुरू

क्यापिटल नेपाल सोमबार, जेठ १२, २०८२

काठमाडाैं। भोजपुर नगरपालिका ९ ले नयाँ प्रशासनिक भवनबाट सेवा थालेको छ। वडाले स्थानीयवासीलाई पायक पर्ने स्थान पानीट्याङ्की नजिक ३४ लाख लागतमा कार्यालय भवन निर्माण गरेर सेवा प्रवाह थालनी गरेको वडाध्यक्ष रामबहादुर तामाङले जानकारी दिए।

भवन निर्माणको लागि स्थानीयवासी ललित तामाङले निःशुल्क एक रोपनी जग्गा प्रदान गरेका हुन्।

“आफ्नै कार्यालय भवनबाट सेवा प्रवाह गरिरहेका छौँ” वडाध्यक्ष तामाङले भने,“यहाँ कार्यालय सञ्चालनको लागि भवन नहुँदा धेरै समस्या थिए। नगरपालिकामा एक वटा कोठाबाट लामो समयसम्म सेवा प्रवाह गरियो। अहिले आफ्नै कार्यालय भवन हुँदा सेवा प्रवाहमा सहजता भएको छ।”

आफ्नै वडामा कार्यालय भवन निर्माण भएर सेवा प्रवाह भएपछि सहजता भएको स्थानीयवासी धनबहादुर तामाङले बताए। वडाको सेवा सवैलाई सहज हुने तथा पायक पर्ने स्थानबाट सेवा प्रवाह भएपछि स्थानीयवासी खुसी भएका छन्।

प्रकाशित मिति: सोमबार, जेठ १२, २०८२ ११:४८

प्रतिक्रिया दिनुहोस्