विपक्षी दलको बैठकः गृहमन्त्रीको राजीनामा माग यथावत्, बजेट नरोक्ने निर्णय

राजनीति

गृहपृष्ठ
राजनीति

विपक्षी दलको बैठकः गृहमन्त्रीको राजीनामा माग यथावत्, बजेट नरोक्ने निर्णय

क्यापिटल नेपालबुधबार, जेठ १४, २०८२

फाइल तस्बिर

काठमाडौं। भिजिट भिसा प्रकरणमा गृहमन्त्री रमेश लेखकले राजीनामा दिनुपर्ने मागसहित संसद् अवरुद्ध गर्दै आएका मुख्य प्रतिपक्षी नेकपा माओवादी केन्द्रसहितका विपक्षी दलको बैठक बजेटप्रति नरम सुनिएको छ।

आज संघीय संसद भवन नयाँ बानेश्वरमा बसेको विपक्षी दलको बैठकले गृहमन्त्रीको राजीनामा मागलाई यथावत् राखेर बजेट सार्वजनिक कार्यक्रमलाई अवरोध नगर्ने निर्णय गरेको हो।

प्रधानमन्त्री केपी शर्मा ओलीले गृहमन्त्रीलाई आफ्ना कुरा सदनमा राख्न दिने वातावरण बनाउन नेकपा माओवादी केन्द्रका अध्यक्ष पुष्पकमल दाहाललाई टेलिफोन गरेर आग्रह गरेको बुझिएको छ। टेलिफोन वार्तामा अध्यक्ष दाहालले गृहमन्त्रीले राजीनामा दिनुपर्ने माग यथावत् रहे पनि बजेटलाई अवरोध नगर्ने बताएको बालुवाटार सूत्रले जनाएको छ।

बैठकले गृहमन्त्रीको राजीनामा माग्ने निष्कर्ष निकाले पनि बजेटमा अवरोध नगर्ने निर्णयमा सहमति जुटेको नेकपा माओवादी सांसद माधव सापकोटाले बताए।

विपक्षी दलले गृहमन्त्रीको राजीनामा मागे पनि आजै बालुवाटारमा भएको प्रधानमन्त्री ओली, कांग्रेस सभापति शेरबहादुर देउवा र भिजिट भिसा प्रकरणमा मुछिएका गृहमन्त्री सम्मिलित बैठकले राजीनामा नदिने निर्णय गरेको छ।

बैठकमा नेकपा माओवादी केन्द्र, रास्वपा, राप्रपालगायत दलका नेताहरू सहभागी थिए।

प्रकाशित मिति: बुधबार, जेठ १४, २०८२ १३:०३

प्रतिक्रिया दिनुहोस्