सरकार–यातायात व्यवसायीबीचको वार्ता सहमति नजिक, सार्वजनिक सवारीसाधन चल्न थाले

पूर्वाधार

गृहपृष्ठ
पूर्वाधार

सरकार–यातायात व्यवसायीबीचको वार्ता सहमति नजिक, सार्वजनिक सवारीसाधन चल्न थाले

क्यापिटल नेपाल मंगलबार, जेठ २०, २०८२

काठमाडौं। यातायात व्यवसायी र सरकारबीचको सोमबार राती सम्पन्न वार्तापछि सार्वजनिक यातायातका साधन सञ्चालन सहमति जुटेको छ । भौतिक पूर्वाधार तथा यातायात मन्त्रालयमा अबेर रातीसम्म चलेको तेस्रो चरणको वार्तापछि यातायात व्यवसायी सार्वजनिक यातायात सञ्चालन गर्न सहमत भएका हुन्।

नेपाल यातायात राष्ट्रिय व्यवसायी महासंघका अध्यक्ष विजय स्वाँरले संघीय सरकारले गण्डकी प्रदेश सरकारलाई राइड सेयरिङसम्बन्धी नियमावली स्थगित गर्न अनुरोध गर्दै पत्राचार गर्ने निर्णय भएपछि यातायात सञ्चालनको वातावरण बनेको बताए।

उनले गण्डकी सरकारले राइड सेयरिङसम्बन्धी नियमावली स्थगित गर्ने निर्णय गरेपछि देशभर सार्वजनिक सवारी साधन सञ्चालन गर्ने सहमति भएको जुटेको उनको भनाइ छ।

संघ र प्रदेश सरकारले प्रक्रियागत विषयलाई फास्ट ट्रयाकबाट टुंग्याउने प्रतिबद्धता जनाएकाले आजदेखि सार्वजनिक सवारी साधन चल्न सक्ने उनले बताए।

सरकारी वार्ता टोलीका संयोजक तथा भौतिक पूर्वाधार तथा यातायात मन्त्रालयका सहसचिव कृष्णराज पन्तले गण्डकी प्रदेश सरकारले जारी गरेको रातो नम्बर प्लेटलाई कालो नम्बर प्लेटसरह मान्यता दिने निर्देशिका स्थगित गर्ने सहमति भएको जानकारी दिए।

सहसचिव पन्तले यातायात व्यवसायीबीच भएको सहमति अनुसार नियमावली कार्यान्वयन तत्कालका लागि स्थगन गर्न अनुरोध गर्ने निर्णय भएको बताए। राइड सेयरिङ नियमावलीको विरोधमा यातायात व्यवसायीले सोमबारदेखि देशभर सार्वजनिक सवारी साधन बन्द गर्दै आन्दोलन गरेका थिए।

गण्डकी प्रदेशमा चार दिनदेखि सार्वजनिक यातायात ठप्प छन् भने सोमबारदेखि देशभरका यातायात बन्द छन्।

प्रकाशित मिति: मंगलबार, जेठ २०, २०८२ ०७:४४

प्रतिक्रिया दिनुहोस्